प्यारिस, माघ १४ ।  युरोपको नवीनतम मौसम उपग्रहले पहिलो तस्वीर सार्वजनिक गरेको छ । जसले भविष्यमा मौसम पूर्वानुमान अझै शुद्ध बनाउन सहयोग गर्ने अपेक्षा गरिएको छ।

मेटियोसाट थर्ड जेनेरेशन–साउन्डर (एमटीजी-एस) उपग्रहले २०२५ डिसेम्बर १५ मा पृथ्वीको सतहदेखि करिब ३६ हजार किलोमिटर माथि रहेको भू-स्थिर कक्षाबाट तापक्रम र आर्द्रता देखाउने दुई तस्वीर खिचेको हो। यी तस्वीरहरू ब्रसेल्समा आयोजित युरोपियन स्पेस सम्मेलनमा प्रस्तुत गरिएका थिए।

पहिलो तस्वीरले सतह तथा बादलको माथिल्लो भागको तापक्रम देखाउँछ। अफ्रिका र दक्षिण अमेरिका तातो क्षेत्रका रूपमा गाढा रातो रंगमा देखिएका छन् भने बादलको माथिल्लो भाग निलो रंगमा चिसो क्षेत्रका रूपमा देखिन्छ। 

दोस्रो तस्वीरले वायुमण्डलको आर्द्रता देखाउँछ, जहाँ सहारा मरुभूमि र मध्यपूर्व क्षेत्र सुख्खा (रातो) देखिन्छ भने अफ्रिकाको पूर्वी भागमा उच्च आर्द्रता (निलो) देखिन्छ।

युरोपियन स्पेस एजेन्सी (इएसए) का पृथ्वी अवलोकन कार्यक्रम निर्देशक सिमोनेटा केलेले भने, “ एमटीजी-एस उपग्रहबाट प्राप्त पहिलो तस्वीरहरूले यस मिशनको सम्भावना स्पष्ट देखाएका छन्। यसले युरोपमा हुने भीषण आँधी–तूफानको पूर्वानुमान गर्ने तरिका नै बदल्नेछ।”

एमटीजी-एस उपग्रह भू-स्थिर कक्षामा राखिएको पहिलो युरोपेली हाइपरस्पेक्ट्रल साउन्डर हो। यसले प्रत्येक ३० मिनेटमा तापक्रम र आर्द्रताको नयाँ तथ्याङ्क उपलब्ध गराउँछ, जसले एमटीजी-इमेजर उपग्रहबाट प्राप्त बादल र बिजुलीसम्बन्धी तथ्याङ्कलाई पूरक बनाउँने  इएसएले जनाएको छ।

इएसए परियोजना प्रमुख जेम्स च्याम्पियनले यसलाई “मौसम पूर्वानुमानमा क्रान्तिकारी उपलब्धि” भनेका छन्। इएसए प्रणाली तथा पेलोड प्रबन्धक पिटर भान डेन ब्रेम्बुस्चेले भने, “यो उपकरणले १७०० इन्फ्रारेड च्यानलमार्फत पृथ्वीको वायुमण्डलको त्रि-आयामिक नक्सा बनाउन सक्नेछ, जसले आँधी–तूफानलाई अझै छिटो र शुद्ध रूपमा पूर्वानुमान गर्न मद्दत गर्नेछ।”

यस नयाँ क्षमताले युरोप र उत्तरी अफ्रिकाका समुदायलाई चरम मौसम घटनाको तयारी गर्न समयमै चेतावनी दिने अपेक्षा गरिएको छ।

The post युरोपको नयाँ मौसम उपग्रहले पहिलो तस्वीर पठायो first appeared on

काठमाडौं, कात्तिक १५। चीनको शानडोंग प्रान्तमा हालै सम्पन्न अन्तर्राष्ट्रिय फोटो महोत्सव “अवसर चीन, ऊर्जाशील शानडोंग” मा नेपालसहित विभिन्न देशका फोटो पत्रकार र फोटोग्राफरहरूको सहभागी भएका छन् । 

सन् २०२५ अक्टोबर १५ देखि २१ तारिखसम्म चलेको उक्त महोत्सवमा जापान, भियतनाम, मलेसिया, कोरिया, म्यानमार, थाइल्याण्ड, रसिया र फिजी लगायत देशका करिब १०० भन्दा बढी प्रतिनिधिहरू सहभागी थिए।

महोत्सव चीनको शानडोंग प्रान्तीय समितिको प्रचार विभाग र अन्तर्राष्ट्रिय फोटोग्राफिक आर्ट महासंघ (चीन कार्यालय, जिनान) को संयुक्त आयोजनामा सम्पन्न भएको हो।

कार्यक्रमका क्रममा सहभागीहरूलाई तीन समूहमा विभाजन गरी शानडोंगका ऐतिहासिक, सांस्कृतिक तथा औद्योगिक क्षेत्रहरूको अवलोकन गराइएको थियो।  सो कार्यक्रममा नेपालबाट  राष्ट्रिय फोटोपत्रकार समूह, नेपालका अध्यक्ष प्रदीपराज वन्त सहभागी  थिए।

उनका अनुसार सहभागीहरुले विन्झाओ सिटीस्थित किसान नेताको स्मारक संग्रहालय, एल्लो रिभर टावर र पार्क,  विश्वप्रसिद्ध कपडा उद्योग र विशाल कार्पेट संग्रहालय स्थलहरूको भ्रमणका अवसरमा फोटो खिचेका थिए । 

ग्रामीण जीवनको अनुभव तथा औद्योगिक, सांस्कृतिक र प्राकृतिक अवलोकन

स्थानीय किसानद्वारा सञ्चालित जुजु फलफूल बगैचामा आफ्नै हातले फल टिप्ने, खाने र झोलामा भर्ने अनुभव सहभागीहरूका लागि विशेष आकर्षण बनेकाो अध्यक्ष वन्तले बताए । उनले भने, “यसले चीनको ग्रामीण जीवनलाई नजिकबाट बुझ्ने अवसर प्रदान गरेको छ।”

त्यसैगरी, उडी फिल्म सिटीमा आयोजित कला, संस्कृति र नृत्य प्रदर्शनले सहभागीहरूलाई मनोरञ्जनसँगै सांस्कृतिक विविधताको झलक दिएको थियो।

भ्रमणका क्रममा सहभागीहरूले तेल उत्खनन् उद्योगमा प्रयोग हुने मेसिन, विद्यालयका विद्यार्थीहरूको चिनियाँ ओपेरा प्रस्तुति, तथा प्राकृतिक रूपमा संरक्षित एल्लो रिभर क्षेत्रमा पाइने चराहरूको पनि अवलोकन गरेका थिए।

फोटोपत्रकार प्रदीपराज वन्तका अनुसार, यस्ता अन्तर्राष्ट्रिय महोत्सवहरूले नेपाल–चीनबीचको सांस्कृतिक सम्बन्धलाई अझ सुदृढ गर्ने, पर्यटन प्रवर्द्धनमा योगदान पुर्‍याउने र नेपाली फोटो पत्रकारिताको पहिचानलाई अन्तर्राष्ट्रिय स्तरमा उजागर गर्ने विश्वास लिइएको छ।

The post फोटोपत्रकार वन्तको लेन्समा चीनको शानडोंग : जीवन र संस्कृतिको झलक (फोटो फिचर) first appeared on

नासा/ईएसए हबल स्पेस टेलिस्कोपद्वारा गत सेप्टेम्बर १२, २०२५ मा सार्वजनिक गरिएको यो तस्बिरमा एक आकर्षक तारापुञ्जबाट उत्पन्न भएको बादलजस्तो तारामण्डल देखिन्छ। यो दृश्य डोरेडो र मेन्सा तारामण्डलमा अवस्थित लार्ज म्याजेलेनिक क्लाउड नामक एक बौना ग्यालेक्सीमा रहेको हो । यो पृथ्वीबाट करिब १,६०,००० प्रकाश वर्ष टाढा छ।

लार्ज म्याजेलेनिक क्लाउड (एलएमसी) को द्रव्यमान मिल्की वे ग्यालेक्सीको कुल द्रव्यमानको १०–२०% बराबर छ। यो हाम्रो ग्यालेक्सीको वरिपरि परिक्रमा गर्ने दर्जनौं साना ग्यालेक्सीहरूमध्ये सबैभन्दा ठूलो हो।

एलएमसीमा विशाल ताराजन्य नर्सरीहरू छन्, जहाँ ग्यासका बादलहरू जसरी यो तस्बिरमा देखिन्छ त्यसरी एकआपसमा मिसिएर नयाँ ताराहरूको जन्म दिन्छन्। यो तस्बिरमा ग्यालेक्सीको दोस्रो ठूलो तारानिर्माण क्षेत्र ‘एन११’ को एक भाग देखाइएको छ।

एलएमसी भित्रकै सबैभन्दा ठूलो र सक्रिय तारानिर्माण क्षेत्र ‘टारान्टुला नेब्युला’ हो, जुन हबल टेलिस्कोपको बारम्बारको अध्ययनको विषय बनेको छ। यस दृश्यमा चम्किला, युवा ताराहरूले ग्यासका बादलहरू उज्यालो बनाइरहेका छन् र तीव्र अल्ट्राभायोलेट विकिरणद्वारा धुलोका थुप्राहरूलाई आकार दिइरहेका छन्।

यो तस्बिर दुई दशकको फरकमा गरिएको अवलोकनको संयोजन भएको नासाले जनाएको छ । जसले हबल टेलिस्कोपको दीर्घायु र वैज्ञानिक योगदानलाई प्रमाणित गरेको छ। पहिलो चरणको अवलोकन सन् २००२–२००३ मा गरिएको थियो, जसमा त्यतिबेला नयाँ जडान गरिएको ‘एडभान्स्ड क्यामेरा फर सर्भे’ को उच्च संवेदनशीलता र स्पष्टता प्रयोग गरिएको थियो।

खगोलशास्त्रीहरूले हबललाई ‘एन११’ तारापुञ्जतर्फ मोडेर पहिलोपटक यस्तो प्रयास गर्दा सूर्यको द्रव्यमानको १०% देखि १०० गुणासम्मको द्रव्यमान भएका सबै ताराहरूको सूची तयार पारिएको छ ।

नासाका अनुसार दोस्रो चरणको अवलोकन हबलको नयाँ क्यामेरा ‘वाइड फील्ड क्यामेरा ३’ बाट गरिएको थियो। यसले तारापुञ्जभित्र फैलिएका धुलोयुक्त बादलहरूमा केन्द्रित तस्बिरहरू खिच्न सफल भएको छ । जसले हामीलाई ब्रह्माण्डीय धुलोको नयाँ दृष्टिकोण प्रदान गरेको उल्लेख छ ।

The post आकर्षक तारापुञ्जबाट उत्पन्न भएको बादलजस्तो तारामण्डल first appeared on

काठमाडौँ । अन्तर्राष्ट्रिय पर्यटन दिवस राष्ट्रिय फोटो पत्रकार समूह नेपाल (एनएफपिजे) ले काठमाडौँको हनुमान ढोकामा फोटो प्रदर्शनी आयोजना गरेको छ।

काठमाडौँ महानगरपालिका, नेपाल आर्ट काउन्सिल र नेपाल पर्यटन बोर्डको संयुक्त संयोजनमा सुरु गरिएको प्रदर्शनी मेड इन काठमाडौँ फेस्ट २०८२ को अवसरमा सुरु भए पनि जेनजी आन्दोलनका कारण बिचमै स्थगित भएको थियो।

बिहीबार हनुमान ढोकामा एक कार्यक्रमका बीच पूर्वकुमारी मनिता शाक्य, राष्ट्रिय फोटो पत्रकार समूहका अध्यक्ष प्रदीपराज वन्त, पूर्व गणेश तथा भैरवले संयुक्तरुपमा उद्घाटन गरे।  

प्रदर्शनीमा राष्ट्रिय फोटो पत्रकार समूहका सदस्यहरूले खिचेका १ सय फोटोहरू रहेका छन्। योसँगै प्रदर्शनीमा इन्द्रजात्रासँग सम्बन्धित विविध गतिविधिहरूलाई आकर्षक रूपमा प्रस्तुत गरिएको छ।

त्यस्तै, लाखे नाचको जोसदेखि साँघुरा गल्लीहरूमा गुन्जिने धुनदेखि डबलीमा उमङ्गित भीडसम्म — इन्द्रजात्राका महत्त्वपूर्ण क्षणहरूलाई क्यामेरामा कैद गरिएका तस्बिरमार्फत प्रदर्शनीमा राखिएका छन् ।

तीन दिनसम्म चल्ने प्रदर्शनी बिहान ११ बजेदेखि बेलुकी ५ बजेसम्म सर्वसाधारणका लागि खुला रहनेछ ।

The post हनुमान ढोकामा इन्द्रजात्रा फोटो प्रदर्शनी, तीन दिनसम्म हेर्न सकिने  first appeared on

काठमाडौं, भदौ २१ — काठमाडौं उपत्यकामा प्राचीन सांस्कृतिक पर्व इन्द्र जात्राको अवसरमा जीवित देवी कुमारीको रथारोहण भएको छ।

बसन्तपुर दरबार क्षेत्रबाट सुरु भएको रथ यात्रा अन्तर्गत कुमारी, गणेश र भैरवका रथहरू शहर परिक्रमा गराइएका छन्। रथ तान्ने कार्यक्रममा राष्ट्रपति रामचन्द्र पौडेल, उपराष्ट्रपति रामसहायप्रसाद यादव, प्रधानमन्त्री केपी शर्मा ओली लगायत उच्च पदस्थ व्यक्तिहरूको उपस्थिति रहेको थियो।

यस अवसरमा पुलुकिसी, लाखे, महाकाली, झ्यालिञ्चा लगायतका परम्परागत नाचहरू प्रदर्शन गरिए। जात्राको प्रारम्भ हनुमानढोकामा इन्द्रध्वजासहितको य:सी (लिङ्गो) ठड्याएर गरिन्छ, जसलाई शक्ति र विजयको प्रतीक मानिन्छ।

इन्द्र जात्रा विशेषगरी नेवा: समुदायद्वारा मनाइने पर्व हो, तर यसको सांस्कृतिक महत्त्वले सम्पूर्ण उपत्यकावासीलाई एकत्रित गराउने काम गर्छ। ललितपुर, भक्तपुर, धुलिखेल, दोलखा लगायतका स्थानहरूमा पनि यो पर्व धूमधामका साथ मनाइन्छ।

यो जात्रा शुक्ल द्वितियादेखि सुरु भई आठ दिनसम्म विविध धार्मिक तथा सांस्कृतिक कार्यक्रमसहित मनाइने चलन छ ।

The post जीवित देवी कुमारी, गणेश र भैरवको रथारोहण first appeared on

अस्ट्रेलिया । नेवा गुथी, मेलबर्नद्वारा भिक्टोरियामा पहिलो पटक इन्द्र जात्रा (येन्या पुन्ही) महोत्सव आयोजना भएको छ।  तस्बिर: प्रदीपराज वन्त

The post भिक्टोरियामा आयोजित पहिलो इन्द्र जात्रा (फोटो फिचर) first appeared on

काठमाडौं । फेसन, ग्ल्यामर, पेजेन्ट्री र कला क्षेत्रमा उत्कृष्टता प्रदर्शन गर्ने प्रतिष्ठित मञ्च फेशनफेयर अवार्ड्स २०२४ को तेस्रो संस्करण काठमाडौंमा सम्पन्न भएको छ ।

ड्रिम सर्च एजेन्सीद्वारा आयोजित यो कार्यक्रम एपिसेन्टर एजुकेशन कन्सल्टेन्ट्सको सहयोगमा सम्पन्न भएको हो।

कार्यक्रममा विभिन्न क्षेत्रका विशिष्ट योगदानकर्ताहरूलाई सम्मान गरिएको छ। पेजेन्ट्री नेतृत्वमा योगदान पुर्‍याउँदै आएका सुबर्ण क्षेत्रीलाई प्रोमिनेन्ट नेशनल डाइरेक्टर अवार्ड प्रदान गरियो भने अनिला श्रेष्ठलाई एम्पावरिङ वुमन अफ द इयर अवार्ड दिइयो। कवि तथा उपन्यासकार उषा शेरचनलाई भ्वाइस अफ एम्पावरमेन्ट (लिटरेचर एण्ड आइडेन्टिटी) अवार्डबाट सम्मान भइन्।

द मल्ला होटलले एक्सिलेन्स इन हस्पिटालिटी अवार्ड प्राप्त गर्‍यो। पारालिम्पिक पदक विजेता पलेशा गोवर्धनलाई प्राइड अफ नेपाल अवार्ड प्रदान गरे। राष्ट्रिय समाचार समितिका वरिष्ठ फोटो पत्रकार प्रदीप राज वन्तलाई आउटस्ट्यान्डिङ अचिभमेन्ट (फोटो जर्नालिज्म) अवार्डबाट सम्मान गरिएको थियो।

त्यस्तै, रचना गुरुङ शर्मालाई लाइफटाइम अचिभमेन्ट (ग्रुमिङ एण्ड स्टाइलिङ), स्नेह रानालाई लाइफटाइम अचिभमेन्ट (मेकअप), र शिवाङ्गी प्रधानलाई लाइफटाइम कन्ट्रिब्युसन टु नेपाली फेसन अवार्ड प्रदान गरिएको थियो।।

ईभा गिरीले फेसन कन्टेन्ट क्रिएटर अवार्ड प्राप्त गरिन् भने अनुप बिक्रम शाहीलाई फेसन आइकन अफ द इयरको उपाधि दिइयो। पराक्रम राणालाई एल, जी, बी, टी, आई, क्यू, आइए प्लस (लैङ्गिक तथा यौनिक अल्पसङ्ख्यक) चेंजमेकर अवार्ड प्रदान गरेका थिए ।

त्यसैगरी, मिस नेपाल नर्थ अमेरिका अर्गनाइजेशन (युएसए)लाई ग्लोबल इभेन्ट एक्सिलेन्स अवार्ड दिइयो। एञ्जल लामालाई ट्रेलब्लेजर इन इन्क्लुसिभ पेजेन्ट्री एण्ड एड्भोकेसी अवार्ड प्रदान गरियो।

कार्यक्रमको विशेष आकर्षणका रूपमा संयुक्ता श्रेष्ठ (युके) लाई ग्लोबल सस्टेनेबल फेसन लिडरशिप अवार्ड प्रदान गरियो। अर्नव बानलाई यङ म्युजिक स्टार, हकीम गुरुङलाई पायोनियर अफ नेपहप मूभमेन्ट, र दिपमाला केडीलाई राइजिङ इन्टरनेशनल ट्यालेन्ट (एम्सीइङ्ग एण्ड होस्टिङ) अवार्ड प्रदान गरियो।

कार्यक्रममा रोजिन शाक्य, एरी तुलाधर, र दिपमाला केडीले होस्ट गर्दै करिश्मा थपेका थिए। एभेन्टोज, स्पार्क एडभर्टाइजिङ, मनकामना एचिङ, माने म्युज बाइ शिवाङ्गी लगायतका साझेदारहरूले कार्यक्रमलाई समर्थन गरेका थिए।

प्रतिष्ठित सम्मानहरूका अतिरिक्त, प्रतिस्पर्धात्मक उत्कृष्टतालाई पनि विशेष प्राथमिकता दिइएको थियो। यसअन्तर्गत:

• निमा डोल्मा — एमर्जिङ फेसन मोडल अफ द इयर
• सुमी बनिया — एमर्जिङ फेसन कोरियोग्राफर अफ द इयर
• राजन शाह — एमर्जिङ फेसन डिजाइनर अफ द इयर (पुरुष)
• शिला राई — एमर्जिङ फेसन डिजाइनर अफ द इयर (महिला)
• संसकृति भट्ट — एमर्जिङ पेजेन्ट स्टार अफ द इयर
• विकास पराजुली — फेसन फोटोग्राफर अफ द इयर
• कशिस सुब्बा — फेसन मोडल अफ द इयर
• सोनाम सुब्बा लिम्बु — फेसन डिजाइनर अफ द इयर
• बिएवा बस्नेत — एमर्जिङ मिसेस पेजेन्ट स्टार अफ द इयर

फेशनफेयर अवार्ड्स २०२४ केवल सम्मानको समारोह मात्र नभई प्रतिभा, समर्पण, उपलब्धि र करुणाको उत्सव भएको आयोजकले जनाएको छ। 

The post फेशनफेयर अवार्ड्स सम्पन्न, बहुआयामिक योगदानकर्ताहरू सम्मानित first appeared on

ललितपुर । सिजन मिडियाले विभिन्न व्यावसायिक क्षेत्रमा क्रियाशीलसँगै समाजमा  योगदान पुर्‍याएका व्यक्तिहरूलाई एसियन प्रोफेसनल एचिभमेन्ट अवार्डबाट सम्मानित गरेको छ । 

ललितपुरको पुलचोकस्थित द प्लाजा होटेलमा आयोजित एक विशेष कार्यक्रममा नेकपा माओवादी केन्द्रका अध्यक्ष एवम् पूर्वप्रधानमन्त्री पुष्पकमल दाहाल, उपसभामुख इन्दिरा राना मगरलगायतका अतिथिहरूले सम्मान गरेका हुन ।

कार्यक्रममा हामा आइरन एन्ड स्टिल इन्डष्ट्रिज प्राइभेट लिमिटेडका अध्यक्ष बालकृष्ण श्रेष्ठ लाइफ टाइम एचिभमेन्ट अवार्डबाट सम्मानित भएका छन् । 

यसै गरी ललितपुर महानगरपालिकाका प्रमुख चिरिबाबु महर्जन, प्रभु ईन्स्योरेन्स कम्पनीका अध्यक्ष राजेन्द्र मल्ल, वरिष्ठ न्यूरो सर्जन डा. बसन्त पन्त, नेपाल उद्योग बाणिज्य महासंघका उपाध्यक्ष ज्योत्सना श्रेष्ठ, नविल बैंकका प्रमुख कार्यकारी अधिकृत मनोज ज्ञवाली एसियन प्रोफेसनल एचिभमेन्ट अवार्डबाट सम्मानित भएको छ । 

यसै गरी जलविद्युत प्रवर्द्धक एवम मादमे खोला हाइड्रोपावर लिमिटेडका अध्यक्ष सुसन कर्माचार्य, प्रभु महालक्ष्मी लाइफ इन्स्योरेन्स लिमिटेडका प्रमुख कार्यकारी अधिकृत सन्तोष प्रसाई, मोरङ अटो वक्र्सका कार्यकारी निर्देशक मिलनबहादुर मल्ल पनि सम्मानित भएको छ ।

यसै गरी न्यूजपोलार डटकमका प्रधान सम्पादक सुशील अर्याल, नेपाल टेलिभिजनका वरिष्ठ समाचार सम्पादक एवम प्रस्तोता शिवानी थापा बस्न्यात, ह्वाइट कोरल स्पा एकेडेमीका प्रबन्ध निर्देशक कमला गिरी, सङ्घीय मामिला तथा सामान्य प्रशासन मन्त्रालयका उपसचिब शेरबहादुर केसी, ब्लु चिप सेक्यूरेटिजका सहसस्थापक एवम प्रमुख कार्यकारी अधिकृत डिल्लीराम पङ्गेनी, गायक तथा सङ्गीतकार शिव परियार पनि सम्मानित भएको छ । 

यसै गरी आइएमई लाइफ इन्स्योरेन्सका नायब प्रमुख कार्यकारी अधिकृत खिलेन्द्र पौडेल, लक्ष्मी हेयर एण्ड ब्युटी एकेडेमीका अध्यक्ष लक्ष्मी ठाकुर, नेपाल यूथ फिटनेस एण्ड केलिसथेनिक्सका संस्थापक एवं अध्यक्ष सुकदेव कार्की, नेपाल उद्योग वाणिज्य महासंघ ‘लगानी तथा अन्तर्राष्द्रिय मामिला फोरम’का सभापति मनोज पौडेल, हिमालय एयरलाइन्सका प्रशासन व्यवस्थापक एवम क्याबिन क्रूय सिमान्त श्रेष्ठ, ओमवे टेक्नोलोजीका प्रमुख कार्यकारी अधिकृत सुरेश रिजाल सम्मानित भए । 

यसै गरी एसियन प्रोफेसनल एचिभमेन्ट अवार्डबाट सात विदेश नागरिक सम्मानित भएका छन् । सम्मानित हुनेहरूमा  चेन हुआन, अध्यक्ष, गाओकिङ  काउन्टी फोटोग्राफर्स एसोसिएसन, सान्दोङ, चीन, लिङ बोफा (पाध्या), अध्यक्ष, जुबा सप्लाई एन्ड मेन्टिनेन्स कम्पनी लि,कम्बोडिया, मासिउर रहमान सुमोन, म्यानेजिङ डाइरेक्टर, होटल इम्पेरियल इन्टरनेसनल, बंगलादेश , मोइनुफ्रिन अहमद, प्रमुख फोटो पत्रकार, दी न्यू नेसन दैनिक, बंगलादेश, मनिमरन एएल सुपिया, संस्थापक, प्रोनेस (प्रमोसनल एसोसिएसन अफ ग्लोबल नेटवर्किङ), मलेसिया, फुन्चो डेन्डुप, प्राविधिक सल्लाहकार, श्रम विभाग, भुटान उद्योग, बाणिज्य तथा रोजगार मन्त्रालय र खुसी कार्की, मेरो डान्स विजेता, थाइल्याण्ड (सिजन १) सम्मानित भएको छ । 

कार्यक्रमका प्रमुख अतिथी माओवादी केन्द्र अध्यक्ष दाहालले देशलाई योगदान गर्नेहरुलाई सम्मान गर्दा अझै राम्रो काम गर्न प्रेरित गर्ने बताए  । दाहालले यस्ता कार्यले सकारात्मक र नयाँनयाँ काम गर्नेहरुलाई ऊर्जा प्राप्त हुने विश्वास व्यक्त गरे ।

उनले भने, “देशभित्र विभिन्न क्षेत्रमा मेहनत र निष्ठाद्वारा योगदान पुर्‍याउनेलाई गरिएको सम्मान अत्यन्तै महत्त्वपूर्ण छ, देशलाई योगदान गर्नेहरुलाई एकै ठाउँमा राखेर सम्मान गर्दा अझै राम्रो गर्न प्रेरित गरेको छ।” 

प्रतिनिधिसभाको उपसभामुख इन्दिरा रानामगर र प्रतिनिधिशभा सदस्इ एकनाथ ढकालले यो मञ्चको सिर्जना गरेर विभिन्न क्षेत्रका व्यक्तित्वहरुले देशलाई दिएको योगदान र कडा मेहनतलाई प्रेरणा दिएको बताए । 

नेपाल चेम्बर अफ कमर्सका अध्यक्ष कमलेशकुमार अग्रवालले प्रतिभा, मेहनतलाई सम्मान गर्ने अवसरले सकारात्मक ऊर्जा प्रदान गरेको बताए । 

ललितपुर महानगरपालिकाका प्रमुख चिरीबाबु महर्जनले नेपालमा राम्रो काम गर्न ज्यादै कठिन रहेकाले कठिनाइका बाबजुद केही सकारात्मक काम गर्न सफल भएको बताए । 

सम्मानित व्यक्तित्व एवं नेपाल चेम्बर अफ कमर्सका पूर्वअध्यक्ष राजेन्द्र मल्लले विभिन्न क्षेत्रमा सेवा गर्नेहरुलाई सम्मान गरेर प्रोत्साहित गरेको बताउँदै अर्को वर्ष गाउँको दूरदराजमा बसेर सेवा गर्नेलाई सम्मान गर्न आग्रह गरे । 

सिजन मिडियाका अध्यक्ष प्रदीपराज वन्तले १७ वर्षको अवधिमा सामाजिक, सांस्कृतिक तथा व्यावसायिक क्षेत्रमा उत्कृष्ट काम गर्नेहरुलाई सम्मान गर्दै आएको बताए । सिजन मिडियाले यस कार्यक्रममा विभिन्न क्षेत्रमा योगदान पुर्‍याएका एसियाली मुलुकका २८ जना व्यक्तित्वलाई सम्मान गरेको हो ।

The post एसियन प्रोफेसनल अचिभमेन्ट अवार्डबाट ७ विदेशी सहित २८ जना सम्मानित  first appeared on

तारीखे – खनियाखर्क हुँदै सिन्धुलीसम्म फैलिएको वि.पी. राजमार्ग नेपालका राष्ट्रिय महत्वका सडकहरूमध्ये एक बनेको छ।

करिब १५८ किलोमिटर लम्बाइ भएको यो राजमार्ग धुलिखेलदेखि बर्दिवाससम्म जोडिन्छ। यसले राजधानी काठमाडौंलाई पूर्वका तराई र पहाडी क्षेत्रसँग छोटो दूरीमा जोड्ने उद्देश्यले निर्माण गरिएको हो।

सडक सञ्चालनमा आएपछि काठमाडौं–तराईबीचको यात्रा समय र दूरी उल्लेखनीय रूपमा घटेको छ। यसमार्गले व्यापार, पर्यटन र यातायात सहज मात्र बनाएको छैन, जिल्लास्तरका शहरहरूलाई पनि राजधानीसँग सीधा सम्पर्कमा ल्याएको छ।

यात्राका क्रममा देखिने हरियाली वन, घना पहाड, नदी खोला र मनमोहक प्राकृतिक दृश्यले वि.पी. राजमार्गलाई पर्यटनको दृष्टिले समेत महत्वपूर्ण बनाएको छ।

स्थानीयवासीका अनुसार, यस मार्गले न केवल आर्थिक गतिविधि वृद्धि गरेको छ, बरु पूर्वी भेगका नागरिकलाई राजधानी पुग्ने सहज बाटो पनि उपलब्ध गराएको छ।

The post वि.पी.राजमार्ग काठमाडौं–तराई जोड्ने आधुनिक जीवनरेखा (फोटो फिचर) first appeared on

काठमाडौं । १८६ औं विश्व फोटोग्राफी दिवसको अवसरमा राष्ट्रिय फोटोपत्रकार समूह (एनएफपिजे नेपाल) फोटो प्रदर्शनी गरेर मनाएको छ ।

हरेक वर्ष विभिन्न कार्यक्रम गर्दै विश्व फोटोग्राफी दिवस मानाउदै आए सस्थाले यस वर्ष उक्त दिवसको उपलक्षमा यस वर्ष एनएफपिजे नेपालले सस्थाका केन्द्रीय अध्यक्ष प्रदीपराज वन्तको ‘फ्लाइट एण्ड फ्रेम’ नामक एकल फोटो प्रदर्शनी गगरेको हो ।

भदौ ३ गते अगष्ट १९ विश्व फोटोग्राफी दिवसको अवसर पारेर काठमाडौंको हनुमानढोका परिसरमा दिउँसो २ बजेदेखि साँझ ७ बजेसम्म प्रदर्शनी गरेकोको उक्त प्रर्दशनीमा अध्यक्ष वन्तले पूर्वप्रधानमन्त्री पुष्पकमल दाहाल प्रचण्डको प्रधानमन्त्री कार्यकालमा अफिसियल फोटोपत्रकारको काम गर्दा हवाइजहाजवाट नेपालका विभिन्न जिल्लाको भौगोलीक तथा पर्यटकीय क्षेत्रको फोटो कैद गरका ६० वटा फोटाहरू प्रदर्शनमा राखिएको थियो ।

राष्ट्रिय फोटोपत्रकार समूहले पहिलो पटक यसरी एकल फोटो प्रर्दशनी आयोजना गरेको हो। आगामी दिनमा यसै गरि अन्य सदस्यहरुको पनि एकल फोटोप्रर्दशनी गरिने एनएफपिजे नेपाल जनाएको छ।

कार्यक्रममा मुख्य अतिथिहरु सस्थाका पूर्व अध्यक्ष तथा वरिष्ठ फोटोपत्रकारहरु मिनरत्न बज्रचार्य,कविन्द्रमान शाक्यले संयुक्तरुपमा उद्घाटन गर्नु भएको थियो भने उक्त कार्यक्रममा सस्थाका सदस्य लगायत फोटोपत्रकार, फोटोग्राफर, सञ्चारकर्मी तथा फोटोप्रेमीहरूको उल्लेख्य सहभागिता रहको थियो ।

उक्त कार्यक्रम सर्वसाधारणलाई नै लक्षित गरेर हनुमानढोकामा प्रर्दशनी आयोजना गरेको अध्यक्ष वन्तले बताए। साथै उक्त प्रर्दशनीमा स्थानीय व्यक्ति, स्थानीय पर्यटक तथा विदेशी पर्यटकहरु पनि प्रर्दशनी हेर्दै रमाइ रहेका थिए ।

प्रदर्शनीले फोटोग्राफी दिवसलाई अर्थपूर्ण बनाउनका साथै फोटो पत्रकारिताको महत्व र योगदानलाई अझ प्रष्ट रूपमा समाजसामु प्रस्तुत गर्नेछ भन्ने विश्वास लिएर नै हामीले यसवर्ष अध्यक्षको एकल फोटो आयोजना गरेको महासचिव घनस्याम श्रेष्ठले वताए ।

फोटो पत्रकार वन्त राष्ट्रिय समाचार समिति (रासस)का सिनियर फोटो पत्रकार पनि हुन ।

The post विश्व फोटोग्राफी दिवसमा फोटोपत्रकार वन्तको एकल फोटो प्रदर्शनी first appeared on