काठमाडौँ । नेपालका लागि बीवाईडीको आधिकारिक वितरक साइमेक्स इंक प्रालिले नयाँ इलेक्ट्रिक ह्याचब्याक गाडी सार्वजनिक गरेको छ। कम्पनीले बीवाईडी एट्टो वनलाई नाइमा नेपाल मोबिलिटी एक्स्पो २०२५ मा आज सार्वजनिक गरेको हो ।

यस गाडीलाई शहरी यातायातका लागि उपर्युक्त मानिएको छ । कम्पनीले आगामी दिनमा नेपालको सबैभन्दा किफायती विद्युतीय गाडी बन्ने अपेक्षा राखेको जनाएको छ । बीवाईडी एट्टो वानका दुई प्रमुख भेरिएन्ट्समा डाइनामिक र प्रिमियम बजारमा उपलब्ध गरिएको छ।

डाइनामिक भेरिएन्टमा ३०.०८ किलोवाट आवरको ब्याट्री राखिएको छ, जसले सिंगल चार्जमा २३० किलोमिटरको दुरी पार गर्नेछ । त्यस्तै, प्रिमियम भेरिएन्टमा ३८.८८ किलोवाट आवरको ब्याट्री छ । जसले ३०० किलोमिटरको दुरी पार पार गर्नेछ ।

यी दुई भेरिएन्ट्सको मूल्य क्रमशः २८ लाख ९५ हजार र ३२ लाख ९९ हजार रुपैयाँ तोकिएको छ।

गाडीमा बीवाईडीको अत्याधुनिक ई–प्ल्याटफर्म ३.० प्रयोग गरिएको छ र ४५ किलोवाटको स्थायी चुम्बक मोटरले ७५ हर्सपावर र १३५ एनएम टर्क प्रदान गर्दछ ।

कम्पनीले काठमाडौँ र पोखरा जस्ता शहरी क्षेत्रमा दैनिक यात्रा गर्न यस गाडीको प्रयोग उपयुक्त ठानेको छ।

यस गाडीमा ६ वटा एयरब्याग, रोटेटिंग इन्फोटेनमेन्ट स्क्रिन, भ्वाइस कन्ट्रोल, स्मार्ट कनेक्टिभिटी र आधुनिक मिनिमलिस्टिक केबिनजस्ता सुविधाहरू छन्।

The post बीवाईडी एट्टो–वान सार्वजनिक,  मुल्य कति? first appeared on