काठमाडौं, वैशाख ३० । लुम्बिनी प्रदेशको बुटवलमा ‘डिजी स्कुल अवार्ड २०८३’ सम्पन्न भएको छ। डिजी स्कुल ग्लोबलको आयोजनामा तथा टेकपाइला इनोभेसनको सहकार्यमा सम्पन्न कार्यक्रममा उत्कृष्ट विद्यार्थी, शिक्षक तथा प्रविधिमैत्री शैक्षिक संस्थाहरूलाई सम्मान गरिएको थियो।

कार्यक्रमलाई सम्बोधन गर्दै डिजी ग्रुपका अध्यक्ष विज्ञान श्रेष्ठले नेपालका विद्यालय तथा कलेजहरूमा अन्तर्राष्ट्रिय स्तरको डिजिटल शिक्षा विस्तार गर्ने उद्देश्यसहित डिजी स्कुलले बेलायती मापदण्डअनुसारको कम्प्युटर पाठ्यक्रम र अन्तरक्रियात्मक ई-लर्निङ प्रणाली सञ्चालन गरिरहेको जानकारी दिए। उनका अनुसार नेपाली विद्यार्थीलाई प्रारम्भिक तहदेखि नै विश्वस्तरीय डिजिटल सीप प्रदान गर्दै भविष्यको प्रतिस्पर्धात्मक बजारका लागि सक्षम बनाउने लक्ष्य लिइएको छ।

यही अवसरमा डिजी ग्रुप अन्तर्गत स्थापना गरिएको नयाँ सूचना प्रविधि कम्पनी ‘टेकपाइला इनोभेसन’को औपचारिक घोषणा पनि गरिएको थियो। कार्यक्रममा साइबर सुरक्षा बिज्ञ एबं टेकपाइला इनोभेसनका एसोसिएट डाइरेक्टर चिरञ्जीवी अधिकारीले युवाहरूलाई प्रविधिमार्फत आत्मनिर्भर र दक्ष बनाउने उद्देश्यसहित कम्पनी स्थापना गरिएको बताए। उनले शिक्षा र व्यावहारिक प्रविधि क्षेत्रबीचको दूरी घटाउँदै एकेडेमी, बुटक्याम्प तथा विभिन्न साझेदारीमार्फत युवाहरूलाई प्रत्यक्ष रूपमा प्रविधि उद्योगसँग जोडिने वातावरण बनाइने उल्लेख गरे।

नेपाल चेम्बर अफ कमर्शका निवर्तमान अध्यक्ष राजेन्द्र मल्लले प्रमुख अतिथिका रूपमा बोल्दै टेकपाइला इनोभेसनले सूचना प्रविधि शिक्षा र सेवाको आधार बलियो बनाउन थालेको प्रयास प्रशंसनीय रहेको बताए। यसैगरी लर्निङ्ग बाइ अर्निंग भन्ने मुला नारालाई आत्मसाथ गर्दै युवाहरुलाई नेपालमै राख्न सकेमा नेपालको डिजिटल अर्थतन्त्र सुदृढ हुनुका साथै दक्ष जनशक्ति उत्पादनमा महत्वपूर्ण योगदान पुग्ने उनको भनाइ थियो।

कार्यक्रममा सफ्टवारिका कलेज अफ आईटी एण्ड ई-कमर्सका प्रिन्सिपल प्रमोद पौडेल, सूचना प्रविधि विज्ञ अमृत थापा, डिजी स्कुल ग्लोबलकी बिजनेस हेड अनिता महर्जन तथा लुम्बिनी प्रदेश प्रमुख लेखनाथ पन्तलगायतले डिजिटल शिक्षा, प्रविधि र नवप्रवर्तनको महत्वबारे धारणा राखेका थिए।

बुटवलमा सम्पन्न उक्त कार्यक्रमले लुम्बिनी प्रदेशमा डिजिटल साक्षरता विस्तारसँगै प्रविधिमैत्री शिक्षा प्रणाली निर्माणतर्फ नयाँ ऊर्जा थपेको सहभागीहरूको भनाइ थियो। ‘मेड इन नेपाल’ प्रविधि र नेपाली सफ्टवेयर इकोसिस्टमलाई अन्तर्राष्ट्रिय स्तरसम्म पुर्‍याउने लक्ष्यसहित सुरु गरिएको यो पहललाई शिक्षा तथा सूचना प्रविधि क्षेत्रमा सकारात्मक कदमका रूपमा हेरिएको छ।

The post लुम्बिनीमा ‘डिजी स्कुल अवार्ड २०८३’ सम्पन्न first appeared on

काठमाडाैँ, वैशाख ३० । नेपालमै पहिलो पटक सञ्चालनमा ल्याइएको फुल–फ्लेज्ड अनलाइन भिसा सेवा प्लेटफर्म ‘ग्लोबल भिसा सेवा डटकम’ औपचारिक रूपमा सार्वजनिक गरिएको छ । काठमाडौंको ठमेलस्थित होटल लो मुस्ताङमा आयोजित विशेष समारोहबीच उक्त प्लेटफर्म सार्वजनिक गरिएको हो ।

भेन्चर्स होलिडेजद्वारा प्रवर्द्धन ग्लोबल भिसा सेवा डटकमका प्रमुख कार्यकारी अधिकृत सुजन पन्तका अनुसार नेपाली यात्रुहरूले भोग्दै आएका जटिल तथा समय लाग्ने भिसा प्रक्रियालाई सहज, सुरक्षित र डिजिटल माध्यमबाट उपलब्ध गराउने उद्देश्यले ‘ग्लोबल भिसा सेवा डटकम’ विकास गरिएको हो ।

कार्यक्रममा बोल्दै उनले भने, “अब सबै नेपाली यात्रुहरूले एउटै सुरक्षित प्लेटफर्ममार्फत विश्वका १८० भन्दा बढी देशहरूको भिसासम्बन्धी जानकारी प्राप्त गर्न, विभिन्न देशका लागि आवेदन दिन तथा आवेदन प्रक्रियाको प्रत्येक चरणको रियल–टाइम अपडेट प्राप्त गर्न सक्नेछन् ।”

उनका अनुसार यस प्लेटफर्ममार्फत एउटै लगइन प्रयोग गरेर विभिन्न देशहरूको भिसा आवेदन प्रक्रिया पूरा गर्न सकिने सुविधा उपलब्ध गराइएको छ । यसले विशेषगरी विदेश भ्रमण, अध्ययन, व्यवसायिक यात्रा तथा पर्यटनका लागि आवेदन दिने नेपालीहरूलाई सहजता प्रदान गर्ने विश्वास गरिएको छ ।

कम्पनीका अनुसार प्रयोगकर्ताले नेपाली रुपैयाँमै सहज रूपमा भुक्तानी गर्न सक्ने व्यवस्था मिलाइएको छ । इसेवा, कनेटआइपीएस, साथै स्वदेशी तथा अन्तर्राष्ट्रिय डेबिट र क्रेडिट कार्डमार्फत भुक्तानी गर्न सकिने प्रणाली विकास गरिएको कम्पनीले जनाएको छ । यसका कारण धेरै देशका भिसा आवेदनका लागि नेपाली आवेदकलाई डलर कार्ड अनिवार्य हुने बाध्यता समेत हट्ने विश्वास गरिएको छ ।

प्लेटफर्मले परम्परागत भिसा आवेदन प्रक्रियामा देखिने झन्झट, लामो लाइन, अपूर्ण जानकारी तथा जटिल भुक्तानी प्रणालीलाई हटाउँदै सम्पूर्ण सेवा डिजिटल माध्यमबाट उपलब्ध गराउने लक्ष्य लिएको छ । यसमा डकुमेन्ट भेरिफिकेसन, प्रि–चेकिङ, अपोइन्टमेन्ट बुकिङ, आवेदन ट्र्याकिङ तथा विशेषज्ञ परामर्श सेवा समेत समावेश गरिएको जनाएको छ ।

कम्पनीले सार्वजनिक गरेको जानकारीअनुसार अनुभवी भिसा विशेषज्ञहरूको टोलीले आवेदन प्रक्रिया, डकुमेन्ट तयारी तथा आवश्यक समन्वयमा सहयोग गर्नेछ । यसले आवेदन अस्वीकृत हुने सम्भावना कम गर्नुका साथै यात्रुहरूलाई थप विश्वसनीय सेवा प्रदान गर्ने विश्वास गरिएको छ ।

कार्यक्रममा उपस्थित अधिकारीहरूले नेपालमा डिजिटल ट्राभल सेवाको बढ्दो विस्तारसँगै यस्तो प्लेटफर्मले नेपाली यात्रुहरूलाई अन्तर्राष्ट्रिय भिसा सेवामा सहज पहुँच दिलाउने बताएका थिए । उनीहरूले प्रविधिमैत्री सेवा विस्तारले नेपालको ट्राभल तथा पर्यटन क्षेत्रलाई नयाँ चरणमा पुर्‍याउने विश्वास व्यक्त गरे ।

कम्पनीले जारी गरेको वक्तव्यमा “भिसा प्रोसेसिङको भविष्य अब डिजिटल, स्मार्ट र अझ बढी कनेक्टेड भइसकेको छ” उल्लेख गरिएको छ । कम्पनीले आफूलाई “नेपालको पहिलो तथा विश्वसनीय ग्लोबल भिसा एप्लिकेसन प्लेटफर्म” का रूपमा प्रस्तुत गरेको छ ।

यो भिसा एप्लिकेसन प्लेटफर्मबाट नेपाली ट्राभल एजेन्सीहरू समेत लाभान्वित हुने कम्पनीको विश्वास छ । यससँगै ट्राभल एजेन्सीहरूले छुट्टै भिसा डेस्क सञ्चालन गर्नुपर्ने, विशेषज्ञ अभावका कारण सेवाको गुणस्तरमा आउने कमी तथा भिसा अस्वीकृत हुने समस्यामा समेत कमी आउने अपेक्षा गरिएको छ ।

The post अनलाइन भिसा सेवा प्लेटफर्म ‘ग्लोबल भिसा सेवा डटकम’ सञ्चालनमा first appeared on

काठमाडौं, वैशाख २५ । नेपाली शैक्षिक क्षेत्र र सूचना प्रविधि उद्योगबीचको सहकार्यलाई मजबुत बनाउन टेकपाइला इनोभेसन  र कान्तिपुर सिटी कलेज (केसीसी) बीच एक महत्वपूर्ण समझदारी पत्र (एमओयू) मा हस्ताक्षर भएको छ।

पुतलीसडकस्थित कलेजमा आयोजित कार्यक्रममा टेकपाइला इनोभेसनका एसोसिएट डाइरेक्टर चिरञ्जीबी अधिकारी र केसीसीका प्रिन्सिपल राजु कट्टेलले सम्झौतामा हस्ताक्षर गर्दै विद्यार्थीलाई आर्टिफिसियल इन्टेलिजेन्स (एआई) र साइबर सुरक्षामा दक्ष बनाउने प्रतिबद्धता जनाए।

सौझाताअनुसार विद्यार्थी तथा प्राध्यापकका लागि एआई र साइबर सुरक्षामा केन्द्रित कार्यशाला र सेमिनारसम्बन्धी विशेष तालिम दिइनेछ ।  त्यस्तै योग्य विद्यार्थीलाई टेकपाइलामा प्रत्यक्ष काम गर्ने मौका तथा उद्योगमा रोजगारीको अवसर प्रदान गर्ने उल्लेख गरिएको छ ।  

The post टेकपाइला इनोभेसन र कान्तिपुर सिटी कलेजबीच एआई तथा साइबर सुरक्षा शिक्षामा सम्झौता first appeared on

प्यारिस, वैशाख २२ । विश्वभरका एक तिहाइ अनुसन्धानकर्तासम्म क्वान्टम अनुसन्धान सुविधामा पहुँच छैन, जसले स्वास्थ्य, कम्प्युटिङ, साइबर सुरक्षा र जलवायु मोडेलिङ जस्ता क्षेत्रमा प्रगति सीमित बनाएको संयुक्त राष्ट्रसंघको सांस्कृतिक संस्था युनेस्कोले मंगलबार जनाएको छ।

द क्वान्टम मोमेन्ट: ए ग्लोबल रिपोर्ट शीर्षकको प्रतिवेदनले क्षेत्रीय असमानता देखाएको छ । जसअनुसार युरोप र उत्तर अमेरिकामा गत वर्ष अफ्रिकाको तुलनामा सात गुणा बढी क्वान्टम विज्ञान कार्यक्रम आयोजना गरिएको थियो।

प्रतिवेदनले प्रारम्भिक करियरमा महिलाको सहभागिता ४२ प्रतिशत भए पनि वरिष्ठ अनुसन्धानकर्तामा १६ प्रतिशत र नेतृत्व तहमा मात्र १२ प्रतिशत पुगेका कारण  लैङ्गिक असमानता पनि देखाएको छ । 

सन् २०२५ को मध्यसम्म क्वान्टम विज्ञान तथा प्रविधिमा विश्वव्यापी लगानी ५५.७ अर्ब अमेरिकी डलर पुगेको भए पनि १५० भन्दा बढी देशले अझै राष्ट्रिय क्वान्टम रणनीति अपनाएका छैनन्। उपकरणको लागत दुई तिहाइ अनुसन्धानकर्ताका लागि प्रमुख अवरोध भएको प्रतिवेदनले जनाएको छ।

“क्वान्टम क्रान्ति केही देश मात्र अगाडि बढ्ने कथा हुन सक्दैन,” युनेस्कोका महानिर्देशक खालेद एल-एनानीले भने । उनले सरकार, उद्योग र वैज्ञानिक समुदायलाई युनेस्कोको नयाँ ग्लोबल क्वान्टम इनिसियटिभमा सहभागी हुन आग्रह गरे

युनेस्कोले व्यावहारिक कदम चालिसकेको प्रेस वक्तव्यमा उल्लेख गरेको छ । जसमा ग्लोबल साउथका अनुसन्धानकर्ताले अब अमेरिकाको ओहायोस्थित क्लिभल्यान्डमा रहेको आइबीएम क्वान्टम सिस्टम वान प्रयोगशालामा स्वास्थ्यसम्बन्धी अनुसन्धानका लागि पहुँच पाउने व्यवस्था गरिएको युनेस्कोले जनाएको छ ।

The post एक तिहाइ अनुसन्धानकर्तालाई क्वान्टम अनुसन्धान सुविधा उपलब्ध छैन: युनेस्को first appeared on

काठमाडौं, वैशाख १४। नेपाल मेडिकल कलेजमा स्नातकोत्तर (पिजी) तहमा भर्ना भएका विद्यार्थीहरूका लागि शैक्षिक अभिमुखीकरण कार्यक्रम सम्पन्न भएको छ ।

बिहीबार आयोजित कार्यक्रममा एमडी, एमएम, एमडीएस, एमएस्सी नर्सिङ संकायका विद्यार्थीहरूलाई उत्प्रेरणामूलक अभिमुखीकरण प्रदान गरिएको हो ।

कार्यक्रममा कलेजका अध्यक्ष प्रा.डा. जैनुद्धिन अन्सारीले चिकित्सा शिक्षामा सफल हुन अनुशासनको महत्वपूर्ण भूमिका रहने उल्लेख गर्दै स्नातकोत्तर अध्ययनका तीन वर्षले नै विद्यार्थीको भविष्य निर्धारण गर्ने बताए। उनले कडा मेहनत, लगनशीलता र विनम्रता राम्रो चिकित्सकका मुख्य गुण भएको उल्लेख गर्दै बिरामीसँगको व्यवहारले नै चिकित्सकको सफलता मापन हुने जिकीर गरे।

आफ्नो ५० वर्षअघिको भारतमा गरिएको स्नातकोत्तर अध्ययनको अनुभव स्मरण गर्दै अध्यक्ष अन्सारीले अहिले नेपालमै उच्च शिक्षा हासिल गर्ने अवसर उपलब्ध हुनु चिकित्सा शिक्षाको महत्वपूर्ण प्रगति भएको उल्लेख गरे।

त्यस्तै, कलेजकी प्रबन्ध निर्देशक डा. सबिहा यासमिनले स्नातकोत्तर तहको तीन वर्ष सिकाइको अत्यन्त महत्वपूर्ण समय भएको बताए । “विद्यार्थीहरूले बिरामी, शिक्षक र सहकर्मीबाट निरन्तर सिक्नुपर्नेमा जोड दिँदै,” उनले भने, “विद्यार्थीकाे सिकाइका लागि कलेज सदैव सकारात्मक रहने छ ।”

The post नेपाल मेडिकल कलेजमा पिजी विद्यार्थीलाई शैक्षिक अभिमुखीकरण first appeared on

ललितपुर, वैशाख १२ । एभरेष्ट इन्जिनियरिङ कलेजमा आयोजित ‘एआई इनेवल्ड डिजिटल पेडागोजी’ विषयक तीन दिने कार्यशाला सम्पन्न भएको छ।

वैशाख ८ देखि १० गतेसम्म चलेको उक्त कार्यक्रमले कलेजका सम्पूर्ण शिक्षकलाई कृत्रिम बुद्धिमत्ता (एआई) र आधुनिक डिजिटल शिक्षण प्रविधिमा दक्ष बनाउने उद्देश्य राखिएको थियो।

कार्यशालाले परम्परागत शिक्षण पद्धतिलाई प्रविधिमैत्री, नवप्रवर्तनमुखी तथा विद्यार्थी–केन्द्रित बनाउन जोड दिएको छ। सहभागी शिक्षकहरूले एआई–आधारित टुल, डिजिटल प्लेटफर्म र आधुनिक शिक्षण विधि प्रयोगबारे व्यवहारिक ज्ञान हासिल गरेका छन्, जसले उनीहरूलाई “एआई दिक्षित” शिक्षकका रूपमा विकास गर्न मद्दत गरेको छ।

पहिलो दिन डिजिटल पेडागोजीको आधारभूत अवधारणा, शिक्षण क्षेत्रमा एआईको भूमिका र नयाँ प्रविधिसँग अनुकूलन हुने रणनीतिमा केन्द्रित सत्रहरू सञ्चालन गरिएको थियो । दोस्रो दिन डिजिटल कन्टेन्ट निर्माण, इन्टरएक्टिभ शिक्षण विधि तथा विद्यार्थी सहभागिता बढाउने उपायबारे अभ्यासमुखी तालिम दिएका थिए । अन्तिम दिन एआई–सहयोगी मूल्याङ्कन प्रणाली, डेटा–आधारित शिक्षण प्रक्रिया तथा भविष्यको स्मार्ट कक्षाको अवधारणाबारे विस्तृत छलफल गरिएको कलेजले जनाएको छ ।

समापन समारोहमा सह–प्राचार्य तथा कार्यक्रम संयोजक राजन लामाले कार्यशालाले शिक्षण प्रणालीमा गुणात्मक परिवर्तन ल्याउने विश्वास व्यक्त गर्दै शिक्षकहरूलाई प्राप्त ज्ञानलाई व्यवहारमा उतार्न प्रेरित गरे। प्राचार्य प्रा. डा. हरिकृष्ण श्रेष्ठले डिजिटल युगअनुसार शिक्षण पद्धतिमा परिवर्तन अपरिहार्य भएको उल्लेख गर्दै यस्ता कार्यक्रमहरूले संस्थालाई अझ अग्रगामी बनाउने धारणा राखे। कलेजका सिइऔ अरुणकुमार भण्डारीले आधुनिक प्रविधिसँग शिक्षणलाई समायोजन गर्दै अन्तर्राष्ट्रिय स्तरको शिक्षा प्रदान गर्ने दिशामा कलेज निरन्तर अग्रसर रहेको बताउँदै आगामी दिनमा यस्ता पहलहरू अझ विस्तार गरिने प्रतिबद्धता जनाए।

कलेज प्रशासनका अनुसार यस कार्यशालाले शिक्षकहरूलाई डिजिटल युगअनुसार अद्यावधिक गर्दै शिक्षण गुणस्तर अभिवृद्धि गर्ने लक्ष्य हासिल गरेको छ। भविष्यमा पनि यस्ता नवप्रवर्तनमुखी कार्यक्रम निरन्तर सञ्चालन गरिने जनाइएको छ, जसले विद्यार्थीलाई अन्तर्राष्ट्रिय स्तरको शिक्षा प्राप्त गर्न सहयोग पुर्‍याउने अपेक्षा गरिएको छ।

The post एभरेष्ट इन्जिनियरिङ कलेजका सम्पूर्ण शिक्षक एआई दिक्षित first appeared on

काठमाडौं, चैत २७ ।  मानव अन्तरिक्ष उडानको ६५औँ वार्षिकोत्सव तथा युरी गागरीनको ऐतिहासिक योगदानको स्मरणमा आयोजना गरिएको तीन दिने कोस्मोनटिक्स महोत्सव सम्पन्न भएको छ । 

नेपाल रसिया साइन्स एण्ड टेक नोलजी सोसाइटी, स्क्वाड अफ चेन्ज मेकरस्, रुसी सदन तथा रुसी राजदुताबासको संयुक्तरुपमा  चैत ८- १० गतेसम्म सम्म आयोजना गरिएको महोत्सव काठमाडौंमा शुक्रबार विविध कार्यक्रमहरूसहित सम्पन्न भएको हो। 

महोत्सवको दोस्रो दिन मित्र कुञ्ज र रसियन हाउस इन काठमाडौको सहकार्यमा विचार गोष्ठी कार्यक्रम आयोजना गरिएको थियो। उक्त कार्यक्रममा त्रिभुवन विश्वविद्यालयका सह–प्राध्यापक डा‍. नन्दविक्रम अधिकारीले “नेपालको अन्तरिक्ष कार्यक्रम तथा नीतिको समयरेखा र यसको विश्व अन्तरिक्ष कार्यक्रममा स्थान” विषयमा प्रस्तुति दिएका थिए। 

उनले नेपालको अन्तरिक्ष क्षेत्रको विकास, नीतिगत पहल तथा अन्तर्राष्ट्रिय परिप्रेक्ष्यबारे महत्वपूर्ण धारणा प्रस्तुत गरे । साथै,  कार्यक्रममा अन्तरिक्ष इतिहाससम्बन्धी डकुमेन्ट्रीसमेत प्रदर्शन गरिएको थियो।

महोत्सवको अन्तिम दिन शुक्रबार बिहान रत्नपार्कस्थित युरी गगारिनको शालिकमा श्रद्धाञ्जली अर्पण गर्दै कार्यक्रमको सुरुवात गरिएको थियो।

नेपालस्थित रसियन दूतावासका कार्यवाहक राजदूत रिन्चेन राखशाएभले अन्तर्राष्ट्रिय कोस्मोनटिक्स दिवसको महत्व र अन्तरिक्ष अन्वेषणको प्रेरणाबारे प्रकाश पारिएको थियो।

त्यसपछि मुख्य कार्यक्रम रुसी सदनमा आयोजना गरिएको थियो, जहाँ करिब १०० जना विद्यार्थी तथा शिक्षकहरूको सहभागिता रहेको थियो। कार्यक्रममा “ब्रह्माण्डको विशालता” तथा “अन्तरिक्ष यात्राको भविष्य” जस्ता विषयमा प्रस्तुति राखिएको थियो, जसले सहभागीहरूलाई अन्तरिक्ष विज्ञानको व्यापकता र सम्भावनाबारे जानकारी प्रदान गरेको थियो।

कार्यक्रम अन्तर्गत अन्तरक्रियात्मक प्रश्नोत्तरी तथा खेलकुद सत्रले विद्यार्थीहरूलाई सक्रिय सहभागिताका लागि प्रेरित गरेको थियो। साथै, अघिल्लो दिन सम्पन्न एयरोस्पेस तथा रकेट्री कार्यशालाका उत्कृष्ट सहभागीहरूलाई पुरस्कार तथा प्रमाणपत्र प्रदान गरिएको थियो।

कार्यक्रममा  नेपालमा विज्ञान तथा प्रविधि प्रज्ञा प्रतिष्ठानका  प्राज्ञ मदनलाल श्रेष्ठले नेपालमा विज्ञान तथा प्रविधि शिक्षाको बढ्दो महत्वलाई जोड दिँदै युवा पुस्तालाई अनुसन्धान, नवप्रवर्तन तथा सिर्जनशील सोचतर्फ अग्रसर हुन प्रेरित गरें । उनले अन्तरिक्ष विज्ञान क्षेत्रमा नेपालको सहभागिता विस्तार गर्न अन्तर्राष्ट्रिय सहकार्य आवश्यक रहेको उल्लेख गरें ।

यसै अवसरमा “पृथ्वीभन्दा परको विरासत: युरी गगारिनको ऐतिहासिक अन्तरिक्ष यात्राको ६५ वर्ष” शीर्षकमा प्रदर्शनीसमेत रुसी सदनमा सार्वजनिक अवलोकनका लागि प्रस्तुत गरिएको थियो । जसले युरी गगारिनको जीवन, उपलब्धि तथा अन्तरिक्ष अन्वेषणमा रूसको ऐतिहासिक योगदानबारे जानकारी प्रस्तुत गरिएको छ।

पहिलो दिनको कार्यक्रममा विद्यार्थीहरुका लागि रकेट विज्ञानसम्बन्धी प्रारम्भिक सत्र,  मोडेल रकेट निर्माण अभ्यास, खुला रकेट सफ्टवेयरमार्फत सिमुलेसन तालिम र  सुरक्षा मापदण्ड पालना गर्दै व्यवहारिक रकेट प्रक्षेपणसम्बन्धी कार्यशाला गरिएको थियो ।

विशाल मिलनकेन्द्र र काठमाण्डौं महानगरपालिका वडा ४सँग सहकार्यमा आयोजना गरिएको कार्यशालामा काठमाण्डौं उपत्यकाका विभिन्न विद्यालयका  २५ जना विद्यार्थी सहभागी भएका थिए ।

विद्यार्थीहरूले समूहगत रूपमा आफ्नै मोडेल रकेट डिजाइन, निर्माण र परीक्षण गर्दै सैद्धान्तिक ज्ञानसँगै व्यवहारिक अनुभवसमेत हासिल गरेका स्क्वाड अफ चेन्ज मेकर्सले जनाएको छ ।

कार्यक्रमको उद्देश्य युवा विद्यार्थीलाई एयरोस्पेस विज्ञानका आधारभूत सिद्धान्तबारे जानकारी दिनु र अन्तरिक्ष अन्वेषणप्रति उनीहरूको जिज्ञासा अभिवृद्धि गर्नु रहेको थियो।

पहिलो दिनको कार्यक्रमले शिक्षा, नवप्रवर्तन र प्रेरणालाई समेट्दै महोत्सवको प्रभावकारी सुरुवात गरेको आयोजकहरूले बताएका छन्। यसले विद्यार्थीहरूलाई विज्ञान तथा अन्तरिक्ष प्रविधिका सम्भावनाहरू अन्वेषण गर्न उत्प्रेरित गरेको विश्वास लिइएको छ।

The post मानव अन्तरिक्ष उडानको ६५औँ वार्षिकोत्सवमा ‘कस्मोनटिक्स फेस्टिभल’ सम्पन्न  first appeared on

काठमाडौँ, चैत २५ । ‘नेपाल स्टर्डिज् इन रसिया’ विषयक संगोष्ठी काठमाडौंस्थित रसियन हाउसमा सम्पन्न भएको छ। यसले नेपाल–रूसबीचको कूटनीतिक सम्बन्धको ७ दशक पूरा भएको अवसरलाई चिन्हित गरेको हो।

शैली थिएटर र रसियन हाउसले संयुक्त रूपमा आयोजना गरेको एकदिने कार्यक्रममा शैक्षिक, सांस्कृतिक तथा कलात्मक सहकार्यलाई प्रमुख विषय बनाइएको थियो।

नेपालस्थित रसियन दूतावासका कार्यवाहक प्रमुख रिन्चेन राखशाएभले सांस्कृतिक तथा शैक्षिक आदानप्रदानले द्विपक्षीय सम्बन्धलाई अझ सुदृढ बनाउने बताए ।

रूसका लागि पूर्व नेपाली राजदूत प्रा. डा. जंगबहादुर चौहानले मुख्य वक्ताको रूपमा सम्बोधन गर्दै कवि लक्ष्मीप्रसाद देवकोटाको ऐतिहासिक मस्को भ्रमणलाई सांस्कृतिक कूटनीतिको महत्वपूर्ण क्षणका रूपमा स्मरण गरे। उनले रूसमा अध्ययन गरेका नेपाली विद्यार्थीहरूले चिकित्सा, इन्जिनियरिङ, व्यवस्थापन लगायतका क्षेत्रमा नेपाल विकासमा पुर्‍याएको योगदानलाई विशेष रूपमा उल्लेख गरे।

शैली थिएटरका नवराज बुढाथोकीले रसियन हाउससँगको १७ वर्ष लामो सहकार्यबारे प्रस्तुति दिए। उनले विगतमा प्रस्तुत गरिएका रसियन नाटकहरूको अनुभव साझा गर्दै भविष्यमा पनि नयाँ प्रस्तुति र कलात्मक सहकार्यलाई निरन्तरता दिने प्रतिबद्धता जनाए।

रसियन हाउसकी निर्देशक आनास्तासिया खोखलोभाले शैली थिएटरलाई सांस्कृतिक आदानप्रदानमा पुर्‍याएको योगदानका लागि बधाई दिँदै शैक्षिक तथा सांस्कृतिक सहकार्यलाई अझ मजबुत बनाउन रसियाको प्रतिबद्धता दोहोर्याइन्। उनले नेपाल–रूसबीचको दीर्घकालीन साझेदारीलाई अझ सुदृढ बनाउन विभिन्न क्षेत्रमा सहयोग गर्न तयार रहेको पनि उल्लेख गरिन्।

The post ‘नेपाल स्टर्डिज् इन रसिया’ विषयक संगोष्ठी सम्पन्न first appeared on

काठमाडौं, चैत १०, २०८२ । खाद्य सुरक्षा र दिगोपनासम्बन्धी चुनौतीहरू समाधान गर्न लक्षित ३६ घण्टे ह्याकाथन आयोजना हुने भएको छ। नेपाल बायोटेक्नोलजी सोसाइटी (बीएसएन) द्वारा आयोजित ‘जिनोम बायोथन २०२६’ आगामी अप्रिल २३ देखि २५ सम्म काठमाडौंमा “नेपालमा सुरक्षित, पौष्टिक र दिगो खाद्य प्रणालीका लागि जैवप्रविधि नवप्रवर्तन” भन्ने विषयवस्तुमा सञ्चालन हुनेछ।

यस कार्यक्रममा विद्यार्थी, अनुसन्धानकर्ता तथा नवप्रवर्तकहरूलाई स्वास्थ्य, कृषि, वातावरण तथा खाद्य प्रणालीका समस्याहरू समाधान गर्न प्रविधि-आधारित उपायहरू डिजाइन गर्न एकत्रित गरिनेछ। आयोजकका अनुसार, कार्यक्रमले अनलाइन छनोट तथा अन्तर्वार्ता पछि आवासीय ह्याकाथनमार्फत निरन्तर मार्गदर्शन र सहभागिता सत्रहरू समावेश गर्नेछ।

प्रतिभागीहरूले कोड-आधारित अनुप्रयोग, अनुसन्धान प्रस्ताव, प्रोटोटाइप, नीतिगत समाधान वा अवधारणात्मक नवप्रवर्तनहरू प्रस्तुत गर्न सक्नेछन्। जसले अन्तर-विषयक सहभागितालाई प्रोत्साहन दिइनेछ जसले विभिन्न क्षेत्रबीच सहकार्यलाई मजबुत बनाउने विस्वास गरिएको छ।

दर्ता अप्रिल १६ सम्म खुला गरिएको छ । जसमा ३–४ सदस्यीय टोलीले आवेदन दिन सक्ने बताइएको छ । प्रतियोगिता स्नातक तथा स्नातकोत्तर विद्यार्थी, प्रारम्भिक करियर अनुसन्धानकर्ता, युवा उद्यमी तथा अन्तर विषयक टोलीका लागि खुला गरिएको आयोजक बीएसएनले जनाएको छ ।

बीएसएनका अनुसार, यो पहलले नवप्रवर्तनलाई वास्तविक आवश्यकतासँग जोड्ने लक्ष्य राखेको छ, जसले नेपालका भावी जैवप्रविधि विज्ञहरूलाई खाद्य तथा जैविक प्रणालीमा दीर्घकालीन प्रभाव पार्ने उपायहरू विकास गर्न सक्षम बनाउनेछ।

The post खाद्य सुरक्षा र जैवप्रविधि विषयमा केन्द्रित जिनोम बायोथन २०२६ ह्याकाथन आयोजना हुने first appeared on

काठमाडौं,चैत १० । नेपाल मेडिकल कलेजले विश्व मुख स्वास्थ्य दिवसकाे अवसरमा विविध सचेतनामूलक तथा सांस्कृतिक कार्यक्रम आयोजना गरेको छ । 

कलेजका बीडीएस १२औँ ब्याचका विद्यार्थीहरूको आयोजनामा भएकाे कार्यक्रममा मुख स्वास्थ्य सचेतनासँगै प्यानल डिस्कस समेत गरिएकाे थियाे ।

कलेजकी प्रबन्ध निर्देशक डा. सबिहा यासमिनले मानव स्वास्थ्यमा मुख स्वास्थ्य त्यसमाथि दन्त स्वास्थ्य महत्वपूर्ण भएकाे बताइन ।दाँत तथा मुखलाइ कसरी स्वस्थ राख्ने विषय समुदाय स्तरमै गएर सचेतना फैलाउनु पर्ने र त्यसका लागि कलेज प्रशासनले समेत आवश्यक सहजीकरण र सहयाेग गर्ने उनको भनाइ थियाे । 

कार्यक्रममा अन्य वक्ताहरूले मुख स्वास्थ्य समग्र स्वास्थ्यको महत्वपूर्ण अंग भएको उल्लेख गर्दै नियमित दन्त परीक्षण, सरसफाइ र जनचेतनाको आवश्यकतामा जोड दिए ।

“ह्याप्पी माउथ इज अ ह्याप्पी लाइफ” भन्ने नारासहित आयोजित प्यानल छलफलमा प्राध्यापकहरूले मुख स्वास्थ्यको महत्व र यसको दैनिक जीवनसँगको सम्बन्धबारे विचार व्यक्त गरेका थिए । 

The post नेपाल मेडिकल कलेजमा विश्व मुख स्वास्थ्य दिवस सम्पन्न first appeared on