काठमाडौं । कामको उचित बाँडफाँड हुन नसक्दा विज्ञान, प्रविधि तथा वातावरण मन्त्रालय अन्र्तगत विज्ञान प्रवद्र्धन माहाशाखा काम विहिन छ । यसअघि विज्ञान प्रविधिको विकासको लागि भनेर महाशाखालाई बाह्र वटा कार्यक्रम छुट्याइएको भएपनि अहिले कुनै कार्यक्रम नभएको माहाशाखा प्रमुख सह–सचिव राम प्रताव साहा बताउँछन् ।
विज्ञान प्रवद्र्धन माहाशाखा, प्रशासन र वातावरण, जलवायु परिवर्तन र वातावरण व्यवस्थापन गरि विज्ञान मन्त्रालयमा चार वटा महाशाखा छन् । यस अघिका प्रत्येकले छुट्टाछट्टै कार्यक्रम हेर्ने भनीएतापनि प्रवद्र्धन माहाशाखालाई कुनै कार्यक्रम छैन ।
यस अघि अन्तर्राष्ट्रिय एटोमिक इनर्जीको सहयोगमा सञ्चालित कार्यक्रमको विज्ञान प्रवद्र्धन महाशाखा प्रमुखले हेर्ने गरेको थियो । बाह्रवटा कार्यक्रममध्य माहाशाखाको भागमा एउटा भने पनि कार्यक्रम हुन्थ्यो । तर आफू माहाशाखामा आएपछि आफ्नो मातहतमा रहेको कार्यक्रमको जिम्मेवारी नदिइदा काम गर्ने वातावरण नभएको बताए ।
माहाशाखा प्रमुख विहिन रहेको अवस्थामा यस अघिका सचिवले प्रशासन माहाशाखाको प्रमुख महेन्द्र गुरुङलाई जिम्मेवारी दिइएका थिए । तर मन्त्रालयमा आएको चार महिना वितिसक्दा पनि माहाशाखालाई सचिव डा. कृष्णचन्द्र पौड्याले जिम्मेवरी दिन नसक्दा अन्योलमा काम गर्नु परेको बताउँछन् ।
