/निलकण्ठ धादिङ्गमा रिभोसाइन्स

निलकण्ठ धादिङ्गमा रिभोसाइन्स

प्लसटुमा अध्ययनरत विद्यार्थीहरूले विज्ञान विषय नै रोज्नुको कारण एवं आफू अध्ययनरत संस्थामा विज्ञान तथा प्रविधिको अध्यापनको अवस्था साथै नेपालमा विज्ञान तथा प्रविधिको विकास नहुनुको कारण र भविष्यमा के बन्न चाहनुहुन्छ जस्ता विषयलाई समेटेर रिभोसाइन्सले निलकण्ठ कलेज, धादिङ्गका केही प्रतिनिधि विद्यार्थीहरूसँग गरीएको कुराकानी ः

नविना श्रेष्ठ
एसएलसी परिक्षा उर्तिण गरेपछि कुन कलेज रोज्ने भन्ने विषयमा दोधार थिए । मैले काठमाडौंका धेरै कलेजहरूमा पनि गएर बुझें । तर अन्ततः म आफ्नै ठाउँमा भएको धादिङबेसीकै नीलकण्ठ कलेजमा आएर भर्ना भए किनकी मेरो लागि सवै भन्दा राम्रो र गुणस्तरीय कलेज यहि थियो जसले मलाई मेरो उद्देश्यको नजिक पु¥याउन सक्छ । जब म यस कलेजमा पढ्न आउन थाले तब यहाँको सुविधा, शान्त वातावरण र शिक्षकहरूबाट निकै प्रभावित भए । यहाँ प्रयोगात्मक ल्याव र विज्ञान लाईवेरी अति राम्रोसँग व्यवस्थापन गरिएको छ । यहाँ सिक्नको लागि राम्रो वातावरण छ ।

कसैले सोध्दा वचन वद्धताका साथ भन्न सक्छु कि काठमाडौंमा नाम चलेका कलेजहरूमा भन्दा कम गुणस्तरको पढाई यहाँ पनि हुँदैन । अन्त टाढा र महंगा कलेज धाउनु भन्दा यहाँ अनुभव प्राप्त शिक्षकहरूले पढाउने शैली हेर्नुस साँच्चै तपाईलाइ पनि मनपर्छ । मैले निलकण्ठ नै रोजेकोमा गर्व लागिरहेको छ र मलाई विश्वास छ मेरो शिक्षकहरूसँग सहकार्य गर्दै मैले सहजै उद्देश्य प्राप्ति गर्न सक्छु ।

यसोदा अधिकारी
एसएलसी परिक्षा उत्तिर्ण भएपछि अव कहाँ पढ्ने भन्ने समस्याले पिरोेली रहेको थियो । मलाई धेरै विज्ञान कलेजको बारेमा थाहा थिएन । यतीवेला मलाई धादिङ्बेसीको मुटुमारहेको नीलकण्ठ कलेजले स्वागत ग¥यो । जब म यस कलेजमा आए मैले धेरै कुराहरू सिक्ने अवसरहरू पाए । यहाँ विद्यार्थीका लागि धेरै सुविधाहरू रहेछन् भने शिक्षकहरू पनि राम्रो भाषा शैलीका हुनुहुँदो रहेछ ।

यहाँ विज्ञान विषय पढ्नका लागि राम्रो वातावरण छ साथै यस कलेजले गुणस्तरिय शिक्षा प्रदान गर्दै आएको छ । यहाँ अन्न्य अतिरिक्त क्रियाकलापहरू प्नि हुन्छ जसले विद्यार्थीको सिर्जनशिलता वृद्धि गर्न मद्दत मिलेको छ । मेरो लक्ष्य नजिक पु¥याउन यस कलेजले मलाई अवसर दिएकोमा आभारी छु ।

पुष्पा श्रेष्ठ
कुन कलेज पढ्ने भन्ने विषयमा म दोधार थिए । त्यतीवेला नै नीलकण्ठ उच्च मा.वी.को शिक्षकले नीलकण्ठ क्याम्पसको बारेमा मलाई बताउनु भयो । सवै कुरा बुझिसकेपछि मलाई यहि कलेज मन प¥यो र यहिँ पढेकी हुँ । म वच्चै देखि डक्टर बन्न चाहन्थें त्यसैले मैले नीलकण्ठ कलेज रोजे र यहाँ आईसकेपक्षि मैले शान्त वातावरणमा दक्ष शिक्षकहरूसँग पढ्न पाएको छु । सवै शिक्षकहरू दक्ष, सहयोगी र अनुभवी हुनुहुन्छ भने सवै विषयको राम्रो ल्याव पनि छ ।शिक्षकहरूले विद्यार्थीलाई सिर्जनशिल बनाउन हरतरह प्रयास गर्नु हुन्छ । अन्तत, यस क्याम्पसलाई विषेश धन्यवाद दिँदै आगामी वर्षहरूमा अरू विद्यार्थीहरूलाई पनि यसै कलेजमा पढ्ने सल्लाह दिन्छु ।

प्रतिभा अधिकारी
धादिङ्मा जम्मा दुई वटा मात्र विज्ञानका कलेजहरू छन् । त्यसमा पनि मैले किन निलकण्ठ क्याम्पस नै पढेर विज्ञान विषय छानेकी भने एक त विज्ञान भनेको एकदमै लोक प्रीय विषय हो र यसबाट नयाँ–नयाँ कुराहरूको आविस्कार गर्न मद्दत मिल्छ अर्को यस विद्यालयमा सवै ल्याव र लाईवेरीहरू चाहिदो छ । त्यसैले मैले यस निलकण्ठ क्याम्पस नै रोजेकी हुँ । मलाई गरीव, दुखी र विरामीहरूको सहयोग गर्न मन लाग्ने भएकाले मैले डाक्टर बन्ने लक्ष्य राखेकी छु ।

ईश्वरी सिंखडा
एसएलसीको परिक्षा सकेर म नतिजाको प्रतिक्षामा बसिरहेकी थिए । ३ महिना पछि हाम्रो परिक्षाको फल प्रकाशित भयो र मैले उत्कृष्ट श्रेणी ल्याउन सफल भए । आफ्नै धादिङ्मा भनौ या आफ्नै दैलो अगाडी विज्ञान विषयको पढाई हुने भएपछि मलाई विज्ञान विषय पढ्ने रूचि बढ्न थालेको थियो । त्यसपछि मैले निलकण्ठ उच्च मा.वि.मा पढ्ने निर्णय गरेकी हँु । यहाँ पढ्नको लागि राम्रो वातावरण छ । शिक्षकहरू प्नि अनुभवी हुनुहुन्छ । शिक्षकहरूले राम्रो भाषा शैलीमा पढाउनु हुन्छ । उहाँहरूको प्रेरणाले आजसम्म मेरो पढाई पनि राम्रो छ । त्यसैले मैले भोलीको दिनमा एमबिबिस गर्ने लक्ष्य लिएकी छु । विज्ञान विषय पढेर भोलीका दिनमा राम्रो र असल मानिस बन्नेछु ।

सम्झना दुवाडी
धदिङ् जिल्लामा अन्य विषय पढाउने त थुप्रै कलेजहरू छन् । तर विज्ञान विषयको पढाई हुने २ ओटा कलेज मात्र छन् । नीलकण्ठ क्याम्पस मेरो घर नजीक रहेको र यहाँ धेरै सुविधाहरू भएकाले म यहाँ पढ्न उत्प्रेरीत भए । भनिन्छ , नजिकको तिर्थ हेला भनेर तर मैले नजिककै मन्दिरलाई पुञ्ने गरि नजिकै भएको सुविधाहरूलाई उपयोग गर्ने विचार गरि यस कलेजमा भर्ना भएर अहिले कक्षा १२ मा पढिरहेकी छु । यस विद्यालयमा पढ्नु अघि सुनेकी थिए यहाँका शिक्षकहरू शिक्षीत एवं अनुभवी हुनुहुन्छ र यहाँ पढेका विद्यार्थीहरूले एमबिबिएसमा पनि नाम निकाल्नु भएको छ तथा यहाँका ल्याव तथा लाईवेरी पनि राम्रो छ भनेर त्यसैले गर्दा मैले नीलकण्ठ क्याम्पस नै रोजेकी हँु ।

म भविष्यमा डाक्टर बन्न चाहन्छु किनकी हाम्रो देश एक गरिब मुलुक हो यहाँका प्राय मानिस गरिबीको रेखामुनी रहेका छन् । यहाँका प्राय मानिस गरिबीले गर्दा उपचार गर्न नपाइ मरेका छन् । त्यसैले म नेपालीहरूलाई सस्तो सुविधायूक्त तरिकाले उपचार गरि उनीहरूलाई मृत्यूको मुखबाट जोगाउन चाहन्छु ।

सविना सापकोटा
मैले नीलकण्ठ कलेजमा नै दचष्मनभ अयगचकभ गरेकी थिएँ । त्यती वेला शिक्षकहरू निकै नै ाबmष्ष्बिच हुनुहुँदो रहेछ भन्ने थाहा भयो । शिक्षकहरू सहयोगी र निकै रमाइलो गरि–गरि पढाउनु हुँदो रहेछ । करिब एक महिनाको अन्तरालमा नीलकण्ठ क्याम्पसले मेरो मन छुन सफल भयो र मैले नीलकण्ठ कलेज नै पढ्ने निश्चय गरें ।
सानै देखि डक्टर बन्छु भन्ने सपना थियो । यसै सपनालाई साकार पार्नको लागि मैले विज्ञान विषय रोजेर आफ्नो लक्ष्यतिर पहिलो कदम बढाएको हु । सपना पूरा गर्न आफूले सकेको मिहिनेत गर्दै छु । हेरौं अब के हुन्छ ।

विनोद गिरी
नेपाल एक विकासोन्मुख देश हो । नेपाल भौगोलिक तथा प्राकृतिक दृष्टिकोणले धनी भए पनि विज्ञान प्रविधिको क्षेत्रमा अझै पनि गरिव नै छ । आजको यो विज्ञान र प्रविधिको युगमा पनि नेपालमा विज्ञान प्रविधि सम्बन्धि त्यति धेरै अध्ययन अनुसन्धान हुन सकिरहेको छैन । जबसम्म नेपालमा विज्ञान प्रविधिको क्षेत्र मौलाउँदैन तबसम्म देशले विकासको फड्को मार्न सक्दैन । नेपालमा प्रशस्त स्रोत र साधन भएता पनि त्यसको उचित प्रयोग हुन नसक्नु नै मुख्य कमजोरी हो । जसको लागि दक्ष जनसक्तिको आवश्यकता हुन जान्छ । दक्ष जनशक्ति निमार्ण गर्नका लागि निलकण्ठ जस्तो विज्ञान विषय राम्रो पढाउने थुप्रै क्याम्पसहरूको आवश्यकता पर्दछ । जसले हामी जस्ता विद्यार्थीहरूलाई नीलकण्ठ क्याम्पसका शिक्षकहरूले जस्तै राम्रो पढाएर मार्ग निर्देश गर्न सफल हुन सक्छन् ।

प्रविन श्रेष्ठ
नीलकण्ठ क्याम्पसमा सवै खाले सुविधाहरू छन् । यहाँको ल्याव लाईवेरी सवै लगभग पूर्ण छन्, यहाँका शिक्षकहरूले आफ्नो बच्चालाई जस्तै व्यवहार गरेर राम्रो र बुझ्ने शैलीमा पढाउनु हुन्छ । अहिलेको आधुनिक जमानामा विज्ञानको धेरै महत्व छ । त्यसैले मैले नीलकण्ठ कलेजमा विज्ञान विषय नै पढ्ने निर्णय गरेको हुँ ।

विज्ञान र प्रविधीको क्षेत्रमा अनुभवी र दक्ष्य जनशक्ति नेपाललाई विर्सिएर विदेशमा बस्छन् । त्यसैले म मेरो देशलाई अरू देश भन्दा पनि राम्रो बनाउनका लागि विज्ञान पढेर नेपालमा नै केहि गर्न चाहन्छु । किनकी नेपालमा प्राकृतिक स्रोतहरू धेरै छन् यसलाई परिचालन गर्नका लागि हामीसँग विचार तथा नया प्रविधीको आवश्यकता छ ।यसो भएको खण्डमा नेपालको अर्थतन्त्र वृद्धि हुनजान्छ र देशको विकास सम्भव हुन्छ ।

राजाराम आचार्य
म भविष्यमा इलेक्ट्रिकल इन्जिनीयर बन्न चाहन्छु । त्यसैले म नीलकण्ठ क्याम्पसमा विज्ञान पढ्न आएको हुँ । नेपाल जलस्रोतमा विश्वकै दोस्रो धनी देश हो र यहाँ धेरै प्राकृतिक स्रोतहरू छन् । जलविद्युत उत्पादनमा भरपूर सम्भावना भएको नेपालमा प्रयाप्त मात्रामा जलविद्युत उत्पादन हुन सकिराखेको अवस्था छैन । त्यसैले यो सम्भावनालाई प्रयोग गरेर म नेपालको सम्पूर्ण भु–भागमा उज्यालो छर्न चाहन्छु ।