अहिलेसम्मकै विशाल न्यूट्रन तारा फेला

काठमाडौं । वैज्ञानिकहरुले सूर्य भन्दा करीब २.१४ गुणा बढी भार भएको विशाल न्यूट्रन तारा फेला परेको दावी गरेका छन् । उनीहरुअनुसार करीब ४ हजार ५ सय प्रकाश वर्ष अर्थात् (४२ हजार ५७३ खर्व किलोमिटर) फेला परेको भर्जिनिया विश्वविद्यालयका खगोल वैज्ञानिक ‘हनाह थ्यान्क्फुल क्रोमार्ति’ले बताइन् ।

वैज्ञानिक ‘हनाह थ्यान्क्फुल क्रोमाति’का अनुसार J0740+6620 नाम दिइएको उक्त न्यूट्रन तारा अहिलेसम्मकै विशाल घनत्व भएको तारा हुनसक्ने अनुमान गरिएको छ । यसको व्यास करीब १५ माइल छ ।

यो तारा अन्तरिक्षमा प्रति सेकेन्ड २ सय ८९ पटक घुम्दछ । त्यसरी अन्तरिक्षमा घुम्दा निरन्तर रेडियो तरंग फ्याक्ने गर्दछ । त्यसैकारण यस न्यूट्रन स्टारलाई ‘मिलिसेकेण्ड पल्सर’ भनिएको छ ।

खोजकर्ता वैज्ञानिकहरुका अनुसार विशाल ताराको घनत्व बढ्दै गएर एक्कासी विस्फोट हुन्छ । विस्फोटपछि ति ताराहरु खुम्चन्छन् । भारअनुसार त्यस्ता ‘न्यूट्रन स्टार’ बन्ने खगोलविदहरुकोे भनाइ छ ।

यसरी खुम्चिएर बनेको ‘न्यूट्रन स्टार’को घनत्व एउटा अणुको घनत्व बराबर हुन्छन् । वैज्ञानिक ‘हनाह थ्यान्क्फुल क्रोमार्ति’का अनुसार यस अघि पनि न्यूट्रन ताराहरु फेला परेका थिए । तर त्यसबेला पाइएको न्यूट्रन तारा भार हाम्रो सूर्य भन्दा कम भारका थिए ।

‘ग्रीन ब्याङ्क अब्जरभेटरी र अरेसिबो अब्जरभेटरी’को रेडियो टेलेस्कोपहरुले संकलन गरेको सूचनाको आधारमा उक्त न्युट्रन स्टाराको अध्ययन गरिएको थियो ।

वैज्ञानिकहरुले ताराको जिवनचक्र अध्ययन गर्नेक्रममा ताराहरूबाट आएको प्रकाशको वेभलेन्थ र फ्रिक्वेन्सीे मापन गर्छन् । तिनिहरुको अन्तराल आधारमा वैज्ञानिकहरुले ताराको दुरी र ठूला वा साना छन् भनेर थाहा पाउनेछ ।

उक्त सोधकाे नतिजा प्रसिद्ध जर्नल नेचर एस्ट्रोनमीमा प्रकाशन गरेका छन् ।

You may also like...