म्युनिक, ७ साउन । विश्वभरि हरेक वर्ष करिब ३२ करोड रुख चट्याङको प्रहारबाट मर्ने गरेको तथ्य एक नयाँ वैज्ञानिक अनुसन्धानले देखाएको छ।
टेक्निकल युनिभर्सिटी अफ म्युनिक (टियुएम) का अनुसन्धानकर्ताहरूले विकसित गरेको नवीन गणितीय मोडलले पहिलो पटक यस्तो ठूलो संख्यामा रुख क्षति हुने अनुमान गरेको हो।
अनुसन्धानको नतिजाले यो क्षतिले विश्वको कुल वनस्पतिमा २.१% देखि २.९% सम्मको नोक्सानी पुर्याउँछ। यसबाट उत्पन्न हुने कार्बन डाइअक्साइड उत्सर्जन ०.७७ देखि १.०९ अर्ब टन बराबर हुने अनुमान गरिएको छ, जुन वन आगोबाट हुने उत्सर्जनसँग तुलनायोग्य हुने भनिएको छ ।
अध्ययन टोलीका अनुसार, बिजुली प्रहारबाट मर्ने रुखहरूको प्रभाव पहिले कम आङ्कलन गरिएको थियो। हाल उष्ण कटिबन्धीय क्षेत्रमा यसको असर बढी देखिएको भए पनि आगामी वर्षहरूमा मध्यम र उच्च अक्षांशका वनहरूमा पनि बिजुली प्रहार बढ्ने अनुमान गरिएको छ।
अनुसन्धानका प्रमुख लेखक एन्ड्रियास क्राउजेले भने, “हामी अब कति रुख मर्छन् भन्ने मात्र होइन, कहाँ बढी असर हुन्छ र वन संरचना तथा कार्बन भण्डारणमा कस्तो प्रभाव पर्छ भन्ने पनि अनुमान गर्न सक्ने भएका छौँ।”
वैज्ञानिकहरूले वनमा हुने चटयाङ पुर्याउने क्षतिलाई वातावरणीय योजनामा समावेश गरेर नीति निर्माणमा ध्यान दिनुपर्ने सुझाव दिएका छन्।
“अबको चुनौती भनेको यस्तो प्राकृतिक जोखिमलाई व्यवस्थापन गरेर वन संरक्षणको दीर्घकालीन योजना बनाउनु पर्ने,” क्राउजेले भने ।
Leave a Reply