काठमाडौं — नेपाल बैंक लिमिटेडका कर्मचारी तथा ग्राहकहरूलाई अल्फा हेल्थ केयर एण्ड डायग्नोस्टिक सेन्टर प्रालिले प्रदान गर्ने स्वास्थ्य सेवामा विशेष छुट दिने सम्झौता भएको छ।
सम्झौता अनुसार, बैंकमा कार्यरत कर्मचारीहरू र खाता भएका ग्राहकहरूले प्याथोलोजी ल्याब सेवामा निःशुल्क होम डेलिभरी सुविधा सहित सेवा प्राप्त गर्न सक्नेछन्। साथै, औषधी खरिदमा बिल रकमको ७ प्रतिशतदेखि २० प्रतिशतसम्म छुटको व्यवस्था गरिएको छ।
सम्झौता पत्रमा २०८२ साल श्रावण १९ गते नेपाल बैंकको तर्फबाट सहायक प्रमुख कार्यकारी अधिकृत प्रकाश कुमार अधिकारी र अल्फा हेल्थ केयरको तर्फबाट ल्याब निर्देशक डा. आभाष कोइरालाले हस्ताक्षर गरेका हुन्।
यस सहकार्यबाट नेपाल बैंक लिमिटेडका कर्मचारी तथा ग्राहकहरू अल्फा हेल्थ केयरको ल्याब सेवा तथा औषधी खरिदमा सहुलियत दरमा सेवा प्राप्त गर्न सक्नेछन्।
Leave a Reply