काठमाडौँ । निउको आधिकारिक बिक्रेता इको इनफिनिटीले आरक्युआई स्पोर्ट विद्युतीय मोटरसाइकल नेपालमा भित्र्याएको छ । यो साहसिक र सहरी राइडरहरुका लागि तयार गरिएको कम्पनीले जनाएको छ ।
अहिले ‘नाइमा नेपाल मोबिलिटी एक्स्पो २०२५’ मा आरक्युआई स्पोर्ट विद्युतीय मोटरसाइकल प्रदर्शनीमा राखिएको छ । इको इनफिनिटीले निउको नयाँ मोडलको विद्युतीय मोटरसाइकल नेपालमा भित्र्याएर नयाँ आयाम थपेको छ । जसले सहरी वायु स्वच्छ राख्न भूमिका खेल्नेछ ।
आरक्युआई विद्युतीय मोटरसाइकल१०० किमी प्रतिघण्टा स्पिड गुडाउन सकिनेछ । फुल चार्चिङले १४१ किमी दुरी पार गर्ने गर्नेछ। यसमा उच्च प्रदर्शनयुक्त दुईवटा ब्याट्री जडान गरिएको छ । कम्पनीले जनाएअनुसार एउटा ब्याट्री पुरा चार्ज हुन ४ घण्टा लाग्नेछ भने दुवै ब्याट्री चार्ज हुन ७ घण्टा लाग्नेछ ।
यो इलेक्ट्रिक बाइक करिब २ मिटर लम्बाई, ०.८ मिटर चौडाइ र १.०८ मिटर उचाइ रहेको छ । ग्राउन्ड किलरेन्स १६७ मिली मिटर रहेको छ । त्यस्तै, स्मार्ट कनेक्टिभिटी जस्तै एआई, जिपिएस, एण्टी-थेफ्ट र नयाँ पुस्ताका लागि प्रिमियम डिजाइनमा उपलब्ध रहेको छ । यसमा अगाडि र पछाडि क्यामरा जडान छन्। यसको मूल्य ९ लाख ९९ हजारबाट सुरु हुनेछ ।
नेपालमा निउले सन् २०१७ देखि दुई-पांग्रे ईभी सवारीसाधन बिक्री वितरण गर्दै आइरहेका छन् । कम्पनीका सेल्स म्यानेजर अमृत सागर कंसाकारका अनुसार निउका ३ हजारभन्दा बढी इलेक्ट्रिक स्कुटर नेपालमा बिक्री भैसकेको छ ।
निउका स्कुटर विद्यार्थी, पेसागत व्यक्ति, डेलिभरी सेवा र सहरी यात्रुहरूका लागि पहिलो रोजाइमा परेको उनको भनाइ छ । सन् २०१४ मा स्थापना भएको निउ टेक्नोलजीले ५० भन्दा बढी देशहरूमा ३० लाखभन्दा बढी युनिट बिक्री गरेको उल्लेख छ ।
Leave a Reply