‘नाइमा एक्स्पो’ सकियो, १ लाखले गरे अवलोकन

काठमाडौं । ‘नाइमा नेपाल मोबिलिटी एक्स्पो २०२५ सम्पन्न भएको छ । नेपाल अटोमोबाइल इम्पोर्टर्स एण्ड म्यानुफ्याक्चर्स एशोसिएसन (नाइमा) द्वारा आयोजित एक्स्पो साउन २१ गते देखि आज सम्पन्न भएको हो ।

एक्स्पोमा १ लाख अवलोकनकर्ताले भ्रमण गरेको नाइमाको अध्यक्षले समापनमा बताइन। उनले भनिन्, “यो उपस्थिति र अटोमोवाइल प्रतिको क्रेजले हामी थप उत्साहित भएका छौ, त्यसका लागि सम्पूर्णलाई धन्यवाद भन्न चाहन्छु ।”

नाइमा एक्स्पोको समापनमा बाजागाजा, नाचगान गरेर आयोजक तथा डेमोस्ट्रेटर र विक्रेताहरूको हर्षबढाइँ गरिएको थियो । यसले आयोजक टिम बढी नै उत्साहित देखिएको भान हुन्थ्यो ।

एक्स्पोमा स्वदेशमा उत्पादन गरिएको अटोरिक्सा देखि विभिन्न ब्रान्डको सवारी साधानहरु प्रदर्शनी गरिएको थियो । पहिलो प्रयासमा सफलता प्राप्त गरेपछि यसले अटोमोबाइल उद्योगका लागि थप नयाँ दिशा तय गरेको बुझिएको छ ।