काठमाडौं । नेपाल इन्भेष्टमेण्ट मेगा बैंक लिमिटेडले आफ्ना ग्राहकवर्गलाई लक्षित गर्दै थप सुविधा प्रदान गर्ने उद्देश्यले ललितपुरको बखुन्डोलस्थित सारंग हेल्थ केयर प्रालिसँग विशेष सम्झौता गरेको छ।
सम्झौता अनुसार, एनआईएमबी डेबिट/क्रेडिट कार्ड तथा एनआईएमबी स्मार्ट एप (मोबाइल बैंकिङ) प्रयोगकर्ताहरूले सारंग हेल्थ केयरमा उपलब्ध विभिन्न स्वास्थ्य सेवामा विशेष छुट सुविधा प्राप्त गर्न सक्नेछन्। छुट सुविधा लिन ग्राहकले बैंकको कार्ड वा मोबाइल एपमार्फत भुक्तानी गर्नुपर्नेछ।
ल्याब सेवामा १० देखि १५ प्रतिशतसम्म छुट हुनेछ भने कल्चर तथा विशिष्ट परीक्षणमा कल्चर तथा विशिष्ट परीक्षणमा ७ प्रतिशत छुट हुने जनाएको छ । त्यस्तै, इसीजी, युएसजी, इको, एन्डोस्कोपी, कोलोनोस्कोपी तथा कोल्पोस्कोपी सेवामा पनि ७ प्रतिशत छुट हुने उल्लेख छ ।
बैंकले आफ्ना ग्राहकहरूको स्वास्थ्यलाई प्राथमिकतामा राख्दै विभिन्न स्वास्थ्य संस्थासँग सहकार्य गर्दै आएको जनाएको छ। यस किसिमको सहकार्यले ग्राहकहरूलाई सहज, किफायती तथा गुणस्तरीय स्वास्थ्य सेवा प्राप्त गर्न सहयोग पुग्ने विश्वास बैंकले व्यक्त गरेको छ।
Leave a Reply