काठमाडौँ, भदौ । नेपाल बैंक लिमिटेड र नुवाकोटको दुप्चेश्वर गाउँपालिका–७ मा अवस्थित कोटबारी होटेल प्रालिबीच विशेष छुट सम्बन्धी सम्झौता सम्पन्न भएको छ।
सम्झौता अनुसार बैंकका कर्मचारी, तिनका परिवारका सदस्यहरू तथा बैंकमा खाता भएका ग्राहकहरूले कोटबारी होटेलले प्रदान गर्ने रिसोर्ट सेवाहरूमा १० देखि १५ प्रतिशतसम्म छुट पाउने व्यवस्था गरिएको छ।
सम्झौता पत्रमा नेपाल बैंक लिमिटेडको तर्फबाट सहायक प्रमुख कार्यकारी अधिकृत प्रकाश कुमार अधिकारी र कोटबारी होटेल प्रालिको तर्फबाट महाप्रबन्धक आनन्द सिंह ठकुरीले हस्ताक्षर गरेका छन्।
यस सहकार्यले बैंकका कर्मचारी तथा ग्राहकहरूलाई विश्राम तथा पर्यटन अनुभवमा सहजता प्रदान गर्नुका साथै निजी क्षेत्रसँगको सहकार्यलाई सुदृढ बनाउने अपेक्षा गरिएको छ।
Leave a Reply