2025-09-30

हङकङमा गोर्खाज फाइनान्सको भव्य शुभारम्भ, बैंक बन्ने घोषणा 

हङकङ । हङकङमा ‘गोर्खाज फाइनान्स लिमिटेड’ को भव्य शुभारम्भ गरिएको छ । 

उक्त शुभारम्भ कार्यक्रममा कम्पनीका निर्देशक आकाश बन्जाराले हङकङमा गोर्खाज फाइनान्सलाई नेपाली समाजका लागि एउटा बैङ्कको रूपमा स्थापित गर्ने र नेपालीहरूलाई एकीकृत गर्ने मुख्य उद्देश्य रहेको घोषणा गरे । 

नेपालबाट नबिल बैंकका प्रमुख कार्यकारी अधिकृत (सिइओ) मनोज ज्ञवाली र युवा उद्यमी हिक्मतजंग कार्की लगायतका विशिष्ट अतिथिहरूको  आतिथ्यतामा कार्यक्रम सम्पन्न भएको थियो । कम्पनीको नेतृत्व डीके दाहाल, आकाश बन्जारा, विवश सुवेदी लगायत ४७ जना अन्य सेयर धनीहरूको टोलीले गरिरहेको छ।

कार्यक्रमलाई स्वागत गर्दै अध्यक्ष  डीके दाहालले सम्पूर्ण लगानीकर्ताहरूलाई यसलाई बैंक बनाउन एकजुट भई काम गर्न आह्वान गरे। उनले ‘गोर्खाज फाइनान्स’ लाई बैङ्कको रूपमा परिणत गर्न सबै जना एक ढिक्का भएर एउटै रेखामा उभिएर जोडिनुपर्नेमा जोड दिए । 

मञ्चबाटै घोषणा गर्दै सञ्चालक आकाश बन्जाराले हङकङमा नेपालीहरुका लागि आफ्नै बैंक नभएर अभाव खट्किएको अवस्थालाई मध्यनजर गर्दै ‘गोर्खाज फाइनान्स’ ले नेपाली समाजलाई एकताबद्ध बनाएर एक नेपाली बैङ्कको सुरुवात गर्ने उद्देश्यका साथ अघि बढेको स्पष्ट पारे । उनले कम्पनीले रेमिटेन्स लगायतका विभिन्न वित्तीय सेवाहरू प्रदान गर्दै भविष्यमा हङकङमा एउटा अग्रणी नेपाली बैङ्कको रूपमा स्थापित हुने लक्ष्य राखेको बताए।

सोही अवसरमा ६ महिनाभित्र नबिल बैङ्कको प्रतिनिधि कार्यालय हङकङमा स्थापना गरिने महत्वपूर्ण घोषणा पनि गरियो, जसले वित्तीय कारोबारलाई सहज बनाउने अपेक्षा गरिएको छ।

कार्यक्रममा भारत, चीन, मकाउ र ताइवान लगायतका अन्तर्राष्ट्रिय पाहुनाहरुका साथै हङकङका व्यवसायी र सामाजिक अगुवाहरुको बाक्लो उपस्थिति रहेको थियो ।

त्यस्तै, कार्यक्रमका वक्ताहरुमा बैंक अफ अमेरिकाका प्रबन्ध निर्देशक तथा प्रमुख सूचना अधिकारी सुरज राई, फाइनेक्स हङकङ लिमिटेडका निर्देशक सोयना ढकाल र इन्टरनेशनल योङ डेमोक्रेटिक युनियनका उपाध्यक्ष हिक्मतजंग कार्की लगायत थिए।

यस भव्य कार्यक्रमलाई सफल पार्न रजनीश भट्टराई, चित गुरुङ, राम कँडेल, क्षितिज न्यौपाने, निश्चल दाहाल, यम गुरुङ लगायतको अथक प्रयास रहेको थियो। सागर थापाको नेतृत्वमा रहेको सागर म्यानेजमेन्ट एचकेले कार्यक्रमको सञ्चालनमा महत्वपूर्ण भूमिका खेलेको थियो भने प्राविधिक सहयोग सुरेश थापाले प्रदान गरेका थिए । यसैगरी अनोज रोकाले कार्यक्रम सञ्चालन गरी थप आकर्षण थपेका थिए । 

कार्यक्रमको समापन गर्दै आकाश बन्जाराले गोर्खाज फाइनान्सलाई ‘गोर्खाज बैंक’ को रूपमा स्थापित गर्ने आफ्नो अठोट दोहोर्याउँदै सम्पूर्ण उपस्थित महानुभावहरुलाई धन्यवाद ज्ञापन गरेका थिए । हङकङ अनि नेपालका सफल ब्याबसायी,सामाजिक र एनआरएनए अभियन्ता बन्जाराले आफ्नो उदाहरणीय काममा सबैलाई साथ समर्थन दिन अनुरोध गरे ।

मा अद्यावधिक गरिएको

Leave a Reply

Your email address will not be published. Required fields are marked *

Subscribe to our newsletter!

अन्तर्वार्ता

‘समाज उत्थान र मर्यादित बनाउन शिक्षाको महत्त्वपूर्ण भूमिका हुन्छ’

‘शिक्षण सामाजिक उत्तरदायित्व बोकेको मर्यादित पेसा हो’

सम्बन्धित सामाग्री

‘हुन्डाई हाईवे एस्सुरेन्स: केयर फ्री राइड टु होम’ सञ्चालनमा

कोरोला नाका व्यवस्थित रूपमा सञ्चालन गर्न सरकारसँग अध्यक्ष ढकालको आग्रह 

बीमा प्राधिकरणमा अध्यक्षको कार्यभार जनक राज शर्माले सम्हाले

सोकोनसँग हर्षोत्सव: दशैं–तिहार उत्सव मनाउनु होस् आकर्षक अफरसँगै

दशैं-तिहारको अवसरमा फोटोन ईभी भ्यान र टिएम१मा विशेष अफर

ग्लोबल आइएमई बैंकको ‘गोल बेस्ड सेभिङ्ग’ योजना सार्वजनिक

हनुमान ढोकामा इन्द्रजात्रा फोटो प्रदर्शनी, तीन दिनसम्म हेर्न सकिने 

व्यावसायिक एवं व्यक्तिगत सम्पत्तिमाथि आक्रमण नहुने सुनिश्चितता आवश्यक : महासंघ 

×