खग्रास चन्द्र ग्रहण आज राति १० बजेर १२ मिनेटमा सुरु हुने

काठमाडौँ । शुक्ल पूर्णिमा (आज) रातको समयमा खग्रास चन्द्र ग्रहण लाग्ने खगोलका जानकारहरू बताउँछन् । 

खग्रास चन्द्र ग्रहण हेर्न कुनै उपकरण चाहँदैन तर टेलिस्कोप वा दूरबिनको माध्यमले थप विस्तृतमा हेर्न सकिनेछ ।

नेपाल एस्ट्रोनोमिकल सोसाइटी(नासो) का अनुसार राति १०:१२ बजे सुरु भएर भोलि बिहान ०१:४१ बजे सकिनेछ । यदि मौसमले साथ दिएमा आफ्नो घरको छत वा नजिकैको खुल्ला स्थानबाट हेर्न सक्नुहुनेछ । 

“राति ११:१५ बजे देखी बिहान ००:३७ बजेसम्म चन्द्रमा पृथ्वीको सघन छायामा रहनेछ जसलाई खग्रास समय भनिने नासोका अध्यक्ष सुरेश भट्टराईले बताए । 

उनले भने, “यो बेला चन्द्रमा रातो देखिने हुन्छ । तर इन्टरनेटमा भनेजस्तो र राखिएको फोटोहरू जस्तो हुँदैन।” उनका अनुसार बाँकी समय पृथ्वीको छायाले चन्द्रमालाई ढाक्दै र छोड्दै जानेछ जुन समय खण्डग्रास समय हो ।