काठमाडौं । कृषि विकास बैंक लिमिटेडले गत आर्थिक वर्षको नाफाबाट शेयरधनीलाई लाभांश वितरण गर्ने घोषणा गरेको छ।
कार्तिक १९ गते बसेको बैंकको सञ्चालक समितिको बैठकले हाल कायम चुक्ता पूँजीको १३ प्रतिशत लाभांश दिने निर्णय गरेको जनाएको छ।
हाल कायम चुक्ता पूँजीको १३ प्रतिशत लाभांशमध्ये ३.२५ प्रतिशत बोनस शेयर रहेको छ। त्यस्तै ९.७५ प्रतिशत नगद लाभांश (कर प्रयोजनार्थसहित) रहेको छ।
यसका साथै, बैंकले फिर्ता नहुने अग्राधिकार शेयर पूँजीमा पनि वार्षिक ६ प्रतिशत नगद लाभांश वितरण गर्ने निर्णय गरेको छ।
घोषित लाभांश नेपाल राष्ट्र बैंकको स्वीकृति तथा आगामी वार्षिक साधारण सभाले पारित गरेपछि मात्र वितरण गरिनेछ।
Leave a Reply