आर्कटिक एडीको जीवनचक्र खुलासा

बेइजिङ, चैत ६, २०८२ ।  चिनियाँ विज्ञान एडेडमीको एयरोस्पेस इन्फर्मेशन रिसर्च इन्स्टिच्युटका अनुसन्धानकर्ताहरूले आर्कटिक समुद्री बरफको किनारमा बन्ने महासागर एडीहरूको सम्पूर्ण जीवनचक्र ट्र्याक गर्न उपग्रह-आधारित विधि विकास गरेका छन्। यसले ध्रुवीय महासागर गतिशीलतामा नयाँ दृष्टिकोण प्रदान गरेको छ।

अनुसन्धानकर्ताहरूले क्रमिक सेन्थेटिक एपाचर राडार (एसएआर) तस्बिरहरूलाई हाइड्रोडाइनामिक मोडेलिङसँग संयोजन गरेर सतह प्रवाह क्षेत्र पुनर्निर्माण गरे र एडीको विकासक्रममा प्रमुख गतिशील परिमाणहरू प्राप्त गरे। जर्नल अफ् रिमोट सेन्सिङमा प्रकाशित नतिजाले एडीहरूले समुद्री बरफको ढुवानी, महासागर मिश्रण प्रक्रिया, र महासागर–वायुमण्डल ऊर्जा आदानप्रदानमा कसरी प्रभाव पार्छन् भन्ने देखाएकाे छ।

अनुसन्धानकर्तहरुले अध्ययन् फ्राम स्ट्रेटमा केन्द्रित गरेकाे थियो, जुन आर्कटिक महासागर र उत्तर एटलान्टिकलाई जोड्ने महत्वपूर्ण मार्ग हो। ‘सेन्टिनेल-१ए’ र ‘सेन्टिनेल-१बी’ उपग्रह डाटाको प्रयोग गरेर अनुसन्धान टोलीले समुद्री बरफको विस्थापन ट्र्याक गरेका थिए। त्यसपछि उनीहरुले उच्च-रिजोल्युसन प्रवाह क्षेत्र प्राप्त गरेको थियो। अनुसन्धानको विश्लेषणअनुसार एडीको त्रिज्या करिब २८ किलोमिटरबाट ३५ किलोमिटरभन्दा बढीमा विस्तार देखियो । यसको परिसंचरण शक्ति २२ दिनको जीवनचक्रमा 4.5 × 10⁴ m²/s मा पुगेको थियो।

अनुसन्धानकर्ताहरूले नयाँ फ्रेमवर्कले कठोर ध्रुवीय अवस्थाहरू र सीमित इन-सितु मापनका चुनौतीहरू पार गर्दै एडीको निरन्तर निगरानी सम्भव बनाएको बताए। “यी एडीहरूले आर्कटिक पानीमा समुद्री बरफ पुनर्वितरण र महासागर मिश्रणमा बलियो प्रभाव पार्छन्,” टोलीले भने। यस दृष्टिकोणले जलवायु मोडेल सुधार गर्न र ध्रुवीय महासागर–बरफ अन्तरक्रियाको बुझाइलाई गहिरो बनाउन मद्दत गर्ने अपेक्षा गरिएको छ।

यो विधिले एसएरआर रिमोट सेन्सिङलाई उन्नत भौतिक मोडेलिङसँग एकीकृत गर्छ, जसले एडीको वृद्धि, परिपक्वता, र क्षय प्रक्रियाको मात्रात्मक विश्लेषण सम्भव बनाउँछ। वैज्ञानिकहरूले उच्च-रिजोल्युसन एसएआर डाटासेट विस्तारसँगै धेरै एडीहरूलाई एकैपटक ट्र्याक गर्न सकिने र आर्कटिक परिसंचरण तथा यसको विश्वव्यापी जलवायु प्रक्रियामा भूमिकाबारे ज्ञान बढाउने विश्वास व्यक्त गरेका छन्।