नास्टको कार्यशैलीप्रति मुख्यमन्त्रीको आक्रोश

ललितपुर । ‘समृद्धिका लागि विज्ञान प्रविधि नवप्रवर्तन र उध्दमशिलताको लागि युवा सशक्तिकरण’ मुल नारासहित राष्ट्रिय युवा वैज्ञानिक सम्मेलन-२०७६को उद्घाटन प्रदेश-३ का मुख्यमन्त्री डोरमणि पौंडेलले गरेका छन् । राष्ट्रिय प्राकृतिक संरक्षण कोष खुमलटारमा आयोजित दुई दिने सत्र आज उद्घाटन गर्दै मुख्यमन्त्री डोरमणि पौंडेलले ‘सबैले सकारात्मक सोचाइ र जिम्मेवारीको आत्मवोध गरेमा विज्ञान प्रविधिमा मार्फत् मुलुकको समृद्धि हुने’ बताए ।

प्रदेश सरकार गठन भएको १ वर्षको अवधिमा सरकारले विज्ञान प्रविधिमा लागेको युवाहरुको प्रोत्साहनका लागि युवा वैज्ञानिक सम्मेलन आयोजना गरेको औल्याए । ‘आफूलाईं विज्ञान प्रविधिको ज्ञान छैन तर मुलुकमा आधुनिक प्रविधि नभित्र्याइ भएको छैन, त्यसकालागि प्रदेश सरकार विज्ञान प्रविधिको क्षेत्रमा परिणाम मुखि काममा अग्रसर हुँदैछ,’ मुख्यमन्त्री पौडेलले भने ।

सिहँदरबारभित्र एउटा चिठी पत्राचार हुन २५ दिन लागेको  पाइयो । त्यसबेलाका के हेरेर बसेको प्रश्न गर्दै, त्यसबेलाका सरकारले विज्ञानलाई बुझ्न नसकेकोप्रति मुख्यमन्त्री पौडेलले इंकित गरें । त्यसपछि नेपाल विज्ञान तथा प्रविधि प्रज्ञा प्रतिष्ठान नास्टप्रति खनिए । ‘नास्टले अहिलेसम्म मुलुकलाई के दियो ? मैले केहि देखेको छैन, परिणाम विनाको वैज्ञानिक सम्मेलन तथा गोष्ठीको केही काम नुहुने भन्दै सवैभन्दा पहिले मानसिकता परिवर्तन गर्न मुख्यमन्त्रीले सबैलाई आग्रह गरें ।

शिक्षा, विज्ञान तथा प्रविधि मन्त्रालय सचिव कृष्णराज विसीले सन् २०३० सम्म नेपालमा युवा जनशक्ति एक तिहाई हुने हुँदा युवालाई नवप्रबर्तन र उद्धमशिलतामा छिट्टै जोडिनु पर्नेमा जोड दिए । सचिव विसिले ज्ञान तथा औधोगिक आधारमा विकास गरिनु पर्ने बताए । उनले युवा लक्षित नवप्रबर्तन नीतिलाईं छिट्टै सरकारले स्वीकृत गर्न लागेको उल्लेख गरें ।

व्यवहारिक विज्ञान तथा प्रविधि अनुसन्धान केन्द्र (रिकास्ट) निर्देशक प्राडा रामेश्वर अधिकारीले देश विकासमा युवा वैज्ञानिकको भूमिकामा प्रकाश पारेका थिए । आम युवा वैज्ञानिकलाई अनुसन्धानमा डटेर लाग्न उनले सूझाब दिए ।

‘प्रदेश सरकार भित्र विज्ञान बुझ्ने मानिस कम छ । मेडिकल, आर्टीफिसल इन्टलिजेन्स र मेडिकल साइन्समा काम गर्न ढिलो भैसकेको छ । ८२ प्रतिशत नेपाली वनस्पतिको उत्पादनसँग जोड्न सकिने तथ्याकले देखाउँदासमेत सरकार भाषणबाजीमा रमाएको देउराली जनता फार्माक्यूटिकल्सका प्रमुख कार्यकारी अधिकृत हरिभक्त शर्माले टिप्पणी गरें ।

नेपाल विज्ञान तथा प्रविधि प्रज्ञा प्रतिष्ठान (नास्ट)का उपकूलपति प्राडा सुनिलबाबु श्रेष्ठले ‘युवाको लागि सेन्टर फर एक्सिलेन्स निर्माण अभियानमा लाग्न खोजिएको छ । युवा सञ्जाल पनि निर्माण गर्न लागिएको छ । तपाईं वैज्ञानिकको सहयोगको खाँचो भएकोले साथ दिन आग्रह गरें । कार्यक्रमको सभापतित्व प्रदेश-३का औधोगिक, पर्यटन, वन तथा वातावरण मन्त्री अरुणप्रसाद नेपालले गरेका थिए ।

You may also like...

Leave a Reply

Your email address will not be published. Required fields are marked *