काठमाडौं । काठमाडौंमा ह्याकिङ एक्स्पो हुने भएको छ । श्रावण ३,४ र ५ गते हुने ठूलो ह्याकथन एक्स्पो नेपालका लागि अहिले सम्मकै वृहत ठानिएको छ ।
ह्याकथनको नाम “एभरेस्ट ह्याक” दिइएको छ । ह्याकथनपछि हुने प्रर्दशनीलाई आयोजकले ह्याकिङ एक्स्पो नाम दिएको छ ।
युरोपमा अध्ययनरत नेपाली विद्यार्थीको आह्वानमा हुन लागेको ह्याकथलाई सिरिस युथ फाउन्डेसन र सी.एस.आई.टि एसोसिएसन अफ नेपालले साथ दिएको छ ।
एभरेस्ट ह्याकथन श्रावण ३ गते शुक्रवार बेलुकी ७ बजे देखी १० बजे सम्म नेटवर्किङ सेसन हुनेछ । प्रतिस्पर्धी र एकल प्रतिस्पर्धीहरूले आफ्नो टिम तयार गर्नेछन् र विभिन्न आइडियाज र च्यालेन्जेझरुमा सल्लाह गरी काम गर्नेछन् ।
मुख्य आकर्षक रहेको ह्याकथन भने दोस्रो दिनको १२ बजे देखी सुरु हुनेछ ।
दोस्रो दिन, शनिवारको १२ बजे देखी सुरु भएको ह्याकथन तेस्रो दिनको १२ बजे सम्म रहनेछ ।
आइतबार, श्रावण ५ गते १२ बजे पश्चात् बनिसकेका प्रोजेक्टसहरु प्रर्दशनीमा राखिनेछन् ।
तेस्रो दिन दिउँसोको ४ बजे सम्म प्रतिस्पर्धी मध्यबाट फाइनलिष्टको नाम सार्वजनिक गरिने छ ।
पुरस्कार
ह्याकथनमा प्रथम हुनेले नगद रु ५०,००० सँगै युरोपको सबैभन्दा ठूलो ह्याकथन “जङ्क्सन ह्याक”मा सोझै सहभागी हुन पाउने छन ।
दोस्रो हुनेलाई नगद रु २५,००० सँगै आयोजकको युरोपको पार्टनर ह्याकथनमा सहभागी हुन पाउनेछन् ।
त्यस्तै ह्याकथनमा तेस्रो हुनेले नगद रु १५,००० सँगै आयोजकको एसियाको पार्टनर ह्याकथनमा सहभागी हुने पाउनेछन् ।
