धान दिवसको अवसरमा वृहस्पति विद्या सदनका बालबालिकाले रोपाई गरेका छन् ।

पाँच वर्षदेखि विद्यार्थीलाई रोपाईमा सहभागी गराउँदै आएको वृहस्पति विद्या सदनले जनाएकाे छ ।

विद्यार्थीहरुले धानको विउ राख्ने र रोपाई गर्ने गरेको वृहस्पति विद्या सदनका प्रिन्सिपल कुमार थापाले बताए । उनका अनुसार, स्कुले बालबालिकालाई प्रयोगात्मक रुपमा कृषि विज्ञानको महत्व बुझाउन सहज हुने हुँदा रोपाईमा सहभागी गराइएको हो ।

सदनका प्रिन्सिपल कुमार थापा भन्छन्, ‘रोपाईमा बालबालिका साह्रै खुशी हुन्छन् । उपत्यकाका विद्यार्थीहरुको लागि रोपाई सिक्ने अवसरको रुपमा सहभागी गराउँछौ‌ं ।’

वृहस्पति सदनले बालबालिकालाई नमूना रोपाईं गराउने गरेको छ ।

तस्बिरमा बालबालिकाको रोपाई