काठमाडौ । खगोलशास्त्रीहरुले पृथ्वीभन्दा दुई गुणा ठूलो र छ गुणा बढी भार भएको नयाँ ग्रह फेला पारेका छन् । उनीहरुले उक्त ग्रहको नाम GJ357 d दिएको छ ।
अमेरिकी अन्तरिक्ष एजेन्सी (नासा)का बाहिरी ग्रह खोज्ने ‘ट्रान्सजिटिङ एक्जो प्लानेट सर्भे स्याटलाइट’ खोजका आधारमा भेटाएको जनाएको छ ।
नयाँ ग्रह करीव ३१ प्रकाश वर्ष अर्थात् ३ हजार १ सय खर्ब किलोमिटर पर हाइड्रा नक्षत्रमा रहेको छ । खगोलशास्त्रीहरुले सो ग्रहमा पानी हुन सक्ने अनुमान गरेका छन् ।
उनीहरुका अनुसार हाइड्रा नक्षत्रमा रहेको तारालाई उक्त ग्रहले करीब ५६ दिनमा परीक्रमा गर्नेछ ।
‘यदि नयाँ ग्रहको वायुमण्डल बाक्लो भए त्यसको सतहमा तरल अवस्थामा पानी हुने सक्ने छ,’ जर्मनीका म्याक्स प्लाङ्क इन्स्टिट्यूटका वैज्ञानिक डायना कोसाकौस्कि बताउँछिन् । उनका अनुसार उक्त ग्रह हाम्रो सूर्यभन्दा ४० प्रतिशत चिसो र तीन गुणा सानो ताराको परिक्रमा गर्दछ। यो हाम्रो सौर्यमण्डलबाट नजिकको दुरीमा अवस्थित छ ।
Leave a Reply