काठमाडौं । ललितपुरस्थित रिसोर्सेस हिमालय फाउण्डेसनले ‘युनेस्को वेन्हुई अन्तर्राष्ट्रिय पुरस्कार-२०२०’ प्राप्त गरेको छ । शैक्षिक नवप्रर्वतनका लागि प्रदान गरिने उक्त पुरस्कारको राशी २० हजार अमेरिकी डलर रहेको छ ।
एशिया प्रशान्त क्षेत्रमा शैक्षिक नवप्रवर्तनमा उत्कृष्ट योगदान गरे वापत सो पुरस्कार युनेस्कोले प्रदान गरेको रिसोर्सेस हिमालय फाउण्डेसनले जनाएको छ ।
फाउण्डेसनका अनुसार कोभिड-१९ महामारीका बेला ६५ जिल्लामा युवा वैज्ञानिक सञ्जाल बनाएर ‘विज्ञान बढाऔं कोरना भगाऔं’ अभियान चलाएको थियो । त्योसँगै कोभिड महामारीकै समयमा देशभर जनचेतना, सावधानी र गोष्ठी जस्ता कार्यक्रम गरेको रिसोर्सेस हिमालयका निर्देशक डा. दिनेश न्यौपानेले बताए ।
उनका अनुसार युनेस्को लागि चीनको राष्ट्रिय आयोग र विकासको लागि शैक्षिक नवप्रवर्तन युनेस्को एशिया प्रशान्त कार्यक्रमको सहकार्यमा सन् २०१० मा स्थापना गरिएको थियो ।
विगत ३५ वर्षदेखि विज्ञान र संरक्षणको क्षेत्रमा रिसोर्सेस हिमालय फाउण्डेसनले काम गर्दै आएको छ ।
Leave a Reply