काठमाडौँ । नेपाल एस्ट्रोनोमिकल सोसाइटी (नासो) द्वारा सातौँ राष्ट्रिय ‘स्पेस आर्ट’ प्रतिस्पर्धाको नतिजा सार्वजनिक गरेको छ । सो प्रतियोगितामा प्रथम हुनेलाई एक थान टेलिस्कोप प्रदान गरिने नासोले जनाएको छ ।
विद्यालय स्तरीय ‘स्पेस आर्ट’ प्रतिस्पर्धामा लुम्बिनी वल्ड स्कूल मधवालिया रुपन्देहीका छात्रा प्रियान्सी जोशी प्रथम भएका छिन् । उनले पहिले, अहिले र भविष्यमा अन्तरिक्ष अन्वेषणमा प्रयोग गरिने ‘मसिन’ वर्णन गरेको चित्र कोरेकी थिइन ।
त्यसैगरी रिलायन्स इङ्ग्लिस सेकेण्डरी स्कूल मधुमाला मोरङका कक्षा ८ मा अध्ययनरत छात्र इचिङ लिम्बु दोस्रो भएका छन्। उनले मानवीय गतिविधिसँगै मंगल ग्रहमा प्रभुत्व जमाउँदै गएको चित्र कोरेका थिए ।
सरस्वती निकेतन सेकेण्डरी स्कूल काठमाडौँ ब्रम्हटोल कक्षा ६ मा अध्ययनरत छात्र समीर बस्नेत तृतीय भएका छन्। उनले पृथ्वीबाट अन्तरिक्षमा मानवसहितको रकेट पठाउँदा दुर्घटना परेको र उद्धारका लागि स्पेस एम्बुलेन्समा चिकित्सकहरू पठाएको चित्र कोरका थिए ।
श्री सेकेण्डरी स्कूल कलाखोला दाङ लुम्बिनीका छात्र छविराज ओझा चौथी भएका छन् । उनी स्वयंम आर्मी बनेर अन्तरिक्ष भ्रमणमा गएको चित्र बनाएका थिए ।
बाल विद्यामन्दिर इङ्लिस बोर्डिङ स्कूल बेलाका उदयपुरका डिकेन्द्र मगर चौथो भएका छन् । उनले एलियनले कसरी सौर्य उर्जा प्रयोग गर्छन्, र खेती तथा उनीहरूले प्रयोग गर्ने रकेटको चित्र बनाएका थिए ।
Leave a Reply