काठमाडौँ । जर्मन घडी ‘नोमोस ग्लासहुट’ नेपाली बजारमा लञ्च भएको छ । पाँच दशक अघि नेपालमा लक्जरी स्विस वाच आयात तथा विक्री वितरणबाट स्थापित भएको स्विस टाईमपिसेस् नेपाल प्रा. लि. ले नोमसलाई भाद्र १५ मा ‘लञ्च’ गरेको हो ।
‘नेपाली वाच कलेक्टरहरुले लामो समयदेखि प्रतिक्षा गरेको नोमस नेपाली बजारमा भित्र्याउन पाँउदा निक्कै हर्षित छौं,’ स्विस टाईमपिसेस् नेपालका अध्यक्ष शम्भू दयाल झुनझुवाला भन्छन, ‘नोमस आधुनिक पुस्ताले मन पराउने ब्राण्ड हो।’
सन् १९९० मा जर्मनीको ग्लासहुटमा स्थापना गरिएको नोमोसले ‘म्यानुअल वाईण्डिङ् र अटोमेटिक मेकानिकल वाच’ उत्पादनमा आफूलाई विशिष्टकृत गरेको छ । डिजाइनमा आकर्षण भएका नोमस वाचले व्यापकता पाएको अध्यक्ष शम्भू दयाल झुनझुवाला बताउँछन् ।
‘प्रिसाईज्ड टाईम किपिङ्का लागि चिनिएको ‘नोमोस’ घडी कलेक्टरहरुले सर्वाधिक रुपमा आफ्नो कलेक्सनमा राख्न रुचाउने मध्येको ब्राण्ड मानिन्छ।
अध्यक्ष शम्भुले सुरु गर्नुभएको स्विस टाईमपिसेस् नेपालले आज कार्यकारी निर्देशकको रुपमा तेस्रो पुस्तामा पुस्तान्तरण भईसकेको छ । तीन पुस्ताले सम्हालेको स्विस टाईमपिसेस् नेपालले विश्वभरका एक दर्जन ‘प्रिमियम लक्जरी वाच ब्राण्ड’लाई नेपाली बजारमा आयात तथा विक्री वितरण गर्दै आएको छ ।
दरबारमार्गमा रहेको स्विस टाईमपिसेस् नेपालको मल्टिब्राण्ड सोरुमबाट ग्राण्ड सिको, ओरिस, टिटोनी, सिगा डिजाईन, फेड्रिक कन्स्ट्यान्ट जस्ता प्रिमियम लक्जरी वाच ब्राण्डको विक्री वितरण गर्दै आएको छ ।
Leave a Reply