काठमाडौँ । ‘कलेज आइडिया हन्ट २०२५’ का लागि आवेदन खुलेको छ । सो प्रतियोगितामा आगामी असार १३ गतेसम्म आवेदन दिइसक्नुपर्ने आयोजकले जनाएको छ ।
आयोजक आइडिया स्टुडियो नेपालका अनुसार सहभागी हुन चाहने विद्यार्थीले नवप्रवर्तन, ग्रीनोभेसन र सामाजिक प्रभाव पार्ने खालका ‘बिजनेस आइडिया’ प्रस्तुत गर्नुपर्दछ ।
आइडिया स्टुडियो नेपालका अध्यक्ष डा. छिरिङ लामाले सामाजिक उत्तरदायित्व बोकेको व्यावसायिक विचारहरूलाई प्रोत्साहन तथा स्रोतसाधनको पनि व्यवस्था गर्ने बताए ।
‘शीर्ष तीन विजेताहरू प्रत्येकलाई नगद एक लाखका दरले पुरस्कृत गरिने छ,’ उनले भने, ‘सो रकम नमुना प्रोजेक्ट बनाउन मद्दत मिल्नेछ।’
आयोजकका अनुसार पछिल्ला ६ वर्षमा देशभरका १५ सय विद्यार्थीहरूको आवेदन सङ्कलन गरिसकेको छ । हालसम्म ८० भन्दा बढी व्यवसायहरू ‘इनक्युबेट’ भएको र १९ व्यवसायलाई ‘सिड मनि’ प्रदान गरिएको बताइएको छ।
Leave a Reply