एक नयाँ अध्ययनले पृथ्वीको एक अत्यन्तै दुर्गम क्षेत्र अंटार्कटिक नजिकको दक्षिणी समुद्रमा ‘एन्टिबायोटिक रेजिस्टयान्स’ पाइएको छ।
अनुसन्धानकर्ताहरूले ‘स्टेफिलोकोकस सप्रोफाइटिकस’ नामको ब्याक्टेरिया भेटाए, जुन सेफिक्सिम, नर्फ्लोक्सासिन, एजिथ्रोमाइसिन, र मेट्रोनिडाजोल जस्ता चार सामान्य एन्टिबायोटिकप्रति पूर्ण रूपमा प्रतिरोधी रहेको छ।
जिन परीक्षणकाक्रममा भ्यानवाइ , एसडिआरएम र सेपए जस्ता प्रतिरोधी जीनहरू पनि भेटिएको अनुसन्धानमा उल्लेख छ।
वैज्ञानिकहरूले यसप्रकारको ‘सुपरबग’ अत्यन्तै शुद्ध मानिएको अंटार्कटिक वातावरणमा फेला पर्नु मानव क्रियाकलापले त्यहाँको पारिस्थितिकी प्रणालीमा पनि असर गर्न थालेको प्रमाण भएको बताएका छन्।
यसले फुड चेन र पारिस्थितिकीको अन्तरक्रियाबाट जनस्वास्थ्यमा दीर्घकालीन असर पार्न सक्ने उल्लेख छ।
सन २०२५ मे २८ मा यो अनुसन्धान सिस्टम माइक्रोबायोलजी एण्ड बायोम्यानुफ्याक्चरिङमा प्रकाशित छन् ।
Leave a Reply