काठमाडौं । नाडा अटोमोबाइल्स अफ एसोसिएसन नेपाल (नाडा)का अध्यक्ष करण चौधरीले नवप्रवर्तन् र भविष्य लिंक हुने अटो शो रूपमा देखाउन चाहेको बताएका छन्।
ललितपुरमा आज आयोजित पत्रकार सम्मेलनमा अध्यक्ष चौधरी यस्तो बताएका हुन् ।
यो वर्ष नाडा अटो शो आगामी भदौ ३ गतेदेखि ८ गतेसम्म काठमाडौंको भृकुटीमण्डको प्रदर्शनी स्थलमा हुनेछ।
अध्यक्ष चौधरीले भने,‘ नाडा अटो शो २०२५ प्रविधि, विजनेश र संस्कृतिको नवीन संयोजन हुनेछ ।’
त्यस्तै, उनले अहिलेसम्मकै एतिहासिक अटो शो गर्न लागिएको बताए । मोबिलिटी र प्रविधि व्यासाय केहो भनेर आभाष दिलाउन चाहेको उनको भनाइ छ ।
‘नाडा प्रदर्शनी मात्र होइन, अटो व्यवसायीहरुको चाड हो । हामीले हेरक वर्ष निकै हर्षउल्लासका साथ मनाउने गरेका छौं’, उनले भने, ‘यो अटो शो नेपालीको शो हुने र दुरदर्शी सोचलाई आत्मसाथ गरिनेछ।’
उनका अनुसार यसपालिको अटो शोमा मोबिलिटीको आगामी भविष्य कस्तो बनाउने, कसरी अंगाल्ने भन्ने विषय महशुस हुनेछ।
‘यस वर्षको नाडा अटो शोमा आमूल परिवर्तन र प्रविधिकको प्रयोग देख्न पाइनेछ’, उनले भने, यो देशले इलेक्ट्रिफेक्शनलाई यति छिटो र मजबुतीका साथ अंगाल्छ भनेर कसैले परिकल्पना गरेका थिएन । त्यसकारण, यसपालिको अटो शो पनि भिन्न गर्न खोजिएको छ । प्रविधि, संस्कृती र अटोमोबाइलको आगामी भविष्यसहित नयाँ शैलीमा प्रदर्शनी हुनेछ ।’
उनका अनुसार ३ लाख वर्गफुट क्षेत्रपलल र १ लाख ६२ हजार वर्गफुट प्रदर्शनी क्षेत्रसहितको यो नेपालकै ठुलो अटो शो हुनेछ ।
Leave a Reply