ललितपुर । संयुक्त राष्ट्रसंघीय शैक्षिक, वैज्ञानिक र सांस्कृतिक संस्था (युनेस्को)का नेपाल प्रतिनिधि याको दु तोईले ललितपुर महानगरपालिकाका मेयर चिरिबाबु महर्जनसँग शुक्रबार साउन २३ गते भेट गरेका छन् ।
भेटका क्रममा मेयर महर्जनले युनेस्को विश्व सम्पदा सूचीमा रहेको पाटन दरबार स्क्वायरमा २०१५ को भूकम्पपछिको पुनर्निर्माण लगायत सांस्कृतिक सम्पदाको संरक्षणका लागि महानगरपालिकाले गरिरहेका कामहरूमाथि प्रकाश पारेको बताइएको छ ।
उनीहरूबीच विपद् जोखिम व्यवस्थापन तथा पूर्वतयारी, जीवन्त सम्पदाको संरक्षण र महानगरपालिका भित्रका सांस्कृतिक तथा रचनात्मक उद्योगका अभ्यासकर्ताहरूलाई सहयोग गर्ने जस्ता विभिन्न क्षेत्रमा सहकार्य गर्ने विषयमा छलफल भएको युनेस्कोले फेसबुक पेजमा जनाएको छ ।
Leave a Reply