काठमाडौँ । नेपाल एष्ट्रोनोमिकल सोसाइटी (नासो)को स्थापना दिवसको अवसरमा नासो–कर्णालीका संयोजक डा. पुष्पराज आचार्यलाई खगोलीय उपकरण हस्तान्तरण गरिएको छ।
नासोका अनुसार सो उपकरणको प्रयोगले कर्णाली प्रदेशमा तारामण्डल अवलोकन कार्यक्रम, विद्यालयस्तरीय खगोल शिक्षा, शिक्षक तालिम तथा जनस्तरमा वैज्ञानिक चेतना अभिवृद्धि गर्ने गतिविधिहरूलाई थप प्रभावकारी बनाउन सकिनेछ।
नासोका अध्यक्ष सुरेश भट्टराईले कर्णालीमा खगोल तथा अन्तरिक्ष विज्ञानसम्बन्धी पहुँच विस्तार गर्न यो कदम महत्वपूर्ण हुने बताए।
उनले नासोले स्थापना कालदेखि नै नेपालमा खगोल र अन्तरिक्ष विज्ञानप्रति जनचासो बढाउने, ज्ञान फैलाउने, विद्यार्थीहरूलाई प्रेरित गर्ने तथा वैज्ञानिक दृष्टिकोण विकास गर्ने कार्यमा निरन्तर योगदान दिँदै आएको उल्लेख गरे।
यो हस्तान्तरणले विज्ञानप्रतिको रुचि र पहुँच दुबैलाई सुदृढ बनाउने अपेक्षा गरिएको छ।
Leave a Reply