काठमाडौं — नेपालको अग्रणी डिजिटल भुक्तानी सेवा प्रदायक फोनेपेले सिटीपे डिजिटल वालेटलाई आफ्नो पारिस्थितिकी प्रणालीमा दशौँ एकीकृत वालेटका रूपमा स्वागत गरेको छ।
यस सहकार्यसँगै अब सिटीपे वालेट प्रयोगकर्ताहरूले फोनेपेको राष्ट्रव्यापी अन्तरसञ्चालित क्युआर नेटवर्कमार्फत देशभरका १७ लाखभन्दा बढी व्यापारी आउटलेटहरूमा सहज, सुरक्षित र भरपर्दो डिजिटल भुक्तानी गर्न सक्ने भएका छन्।
फोनेपेका प्रमुख कार्यकारी अधिकृत दिवस कुमारले सिटीपेलाई स्वागत गर्दै भने, “हाम्रो उद्देश्य केवल वालेट र बैंकहरूलाई जोड्नु मात्र होइन, प्रत्येक व्यक्ति र व्यवसायलाई डिजिटल भुक्तानीको वास्तविक सुविधा र विश्वास अनुभव गराउनु हो।”
त्यस्तै, सिटीपेका सीइओ बिनय रेग्मीले यो सहकार्यलाई प्रविधिको साझेदारी मात्र नभई लाखौं रेमिट्यान्स लाभार्थीहरूलाई सशक्त बनाउने कदमका रूपमा लिएको बताए।
सहकार्यको अवसरमा सिटीपेले विशेष ‘पर्व अभियान’ घोषणा गरेको छ। सेप्टेम्बर २ देखि नोभेम्बर २, २०२५ सम्म सिटीपे वालेटमार्फत गरिने प्रत्येक कारोबारले भाग्यशाली चिट्ठामा सहभागिता जनाउनेछ। यस अवधिमा दुई भाग्यशाली विजेताले मासिक रूपमा सामसङ टेलिभिजन जित्न सक्नेछन्।
त्यस्तै, रु ५०० भन्दा माथिको हरेक क्युआर कारोबारमा सिटीपेले २० रिवार्ड पोइन्ट प्रदान गर्नेछ, जुन नगद वा वस्तुमा रूपान्तरण गर्न सकिनेछ।
विज्ञहरूका अनुसार, फोनेपे र सिटीपेबीचको सहकार्यले नेपाललाई नगदरहित अर्थतन्त्रतर्फ अघि बढाउने मात्र होइन, डिजिटल कारोबारलाई अझ सुरक्षित, समावेशी र प्रयोगकर्तामैत्री बनाउने दिशामा महत्वपूर्ण योगदान पुर्याउनेछ।
Leave a Reply