काठमाडौं, कात्तिक १० । प्रभु बैंक लिमिटेडले विभिन्न १० जना संस्थापक शेयरधनीहरूको नाममा रहेको ४ लाख २२ हजार ८०७ कित्ता संस्थापक सेयर आम सर्वसाधारणका लागि बिक्री खुला गरेको छ। बैंकले सोमबारदेखि उक्त सेयर बिक्री प्रक्रिया सुरु गरेको हो।
यसअघि बैंकले विद्यमान संस्थापक शेयरधनीहरूलाई प्राथमिकता दिँदै ३५ दिने सूचना प्रकाशित गरेको थियो। तर सो अवधिमा कुनै आवेदन नआएपछि अब ती सेयरहरू सर्वसाधारण लगानीकर्ताका लागि खुला गरिएको बैंकले जनाएको छ।
बैंकका अनुसार इच्छुक लगानीकर्ताले नेपाल राष्ट्र बैंकले तोकेको ‘फिट एण्ड टेष्ट’ मापदण्ड पूरा हुने आवश्यक कागजातहरू सहित सूचना प्रकाशित भएको मितिबाट १५ दिनभित्र आवेदन दिन सक्नेछन्। आवेदन बबरमहलस्थित प्रभु बैंकको केन्द्रीय कार्यालयमा बुझाउनुपर्नेछ।
Leave a Reply