ललितपुर, कात्तिक १४ । पाटन दरबार क्षेत्रमा रहेको बहादुर शाह बैठकमा ‘थ्रु हर लेन्स- स्टोरिज विओण्ड बोर्डस्‘ शीर्षकमा आयोजित फोटो टक शो सफलता पूर्वक सम्पन्न भएको छ ।
कार्यक्रममा अन्तर्राष्ट्रिय ख्यातिप्राप्त इटालियन डकुमेन्ट्री तथा ट्राभल फोटोग्राफर भ्यालेन्टिना ब्रान्काफोर्टेले आफ्ना फोटोग्राफी अनुभवहरू र विश्वका विविध संस्कृतिहरूमा आधारित कथाहरू प्रस्तुत गरेकी थिइन । उनले भावनात्मक कथा अभिव्यक्ति, सांस्कृतिक संवेदनशीलता, मानवीय सम्बन्ध र दृश्य माध्यममार्फत कथा भन्ने कलाको महत्वबारे प्रस्तुति दिएकी थिइन् ।
उनले फोटोमार्फत विश्वास निर्माण गर्ने तरिका, डकुमेन्ट्री फोटोग्राफीको नैतिक पक्ष, विभिन्न सांस्कृतिक सन्दर्भ बुझ्दै फोटो कथा निर्माण गर्ने सीप र विश्वका अनौठा स्थानहरूमा कथा खोज्ने आफ्ना अनुभवहरू बताएकी थिइन् ।
कार्यक्रममा फोटो पत्रकार,फोटोग्राफर र विद्यार्थीहरूको सहभागिता रहेको थियो । सहभागीहरूले प्रश्नोत्तर सत्रमार्फत आफ्नो प्रश्न, विचार र अनुभव आदानप्रदान गरेका थिए ।
आयोजक विकास खड्कीले भने, यस्ता कथा वाचनले नेपालमा “फोटोग्राफी पेसा गर्ने र गर्ने सोच भएकाहरूलाई ऊर्जा साथै आइडिया आदान प्रदान गर्न सकोस् भनेर कार्यक्रम आयोजना गरेको बताए ।
यसै अवसरमा भ्यालेन्टिना ब्रान्काफोर्टेको व्यावसायिक फोटो प्रदर्शनी नेपाल पर्यटन बोर्डमा कात्तिक १७ देखि १९ गतेसम्म आयोजना हुने छ ।
Leave a Reply