ओसाका, जापान । जापानी अनुसन्धानकर्ताहरूले वयस्कहरूको मनोवैज्ञानिक तथा सामाजिक प्रतिक्रियालाई चार वर्षभन्दा बढी अवधिसम्म ट्र्याक गरेको एक व्यापक डेटासेट सार्वजनिक गरेका छन्।
यो डेटासेट ‘डेटा इन ब्रिफ’ मा प्रकाशित भएको हो । जसमा जनवरी २०२० देखि मार्च २०२४ सम्मका ३० सर्वेक्षण लहरहरू समावेश छन्। यसले जोखिम बुझाइ, सङ्क्रमण-निवारण व्यवहार, नीतिप्रतिको दृष्टिकोण, विदेशीप्रतिको धारणा तथा मानसिक तनावमा समयसँगै आएको परिवर्तनलाई अभिलिखित गरेको छ।
सर्वेक्षण १,२४८ सहभागीहरूसँग कुराकानी अनलाइन प्लेटफर्ममार्फत गरिएको थियो। १३औँ लहरमा ६०० थप सहभागीहरू समावेश थिए । अनुसन्धानकर्ताहरूले एउटै व्यक्तिहरूलाई पटक–पटक सर्वेक्षण गरेर महामारीको वास्तविक समयमा भएको परिवर्तनका बारेमा जानकारी लिएका थिए ।
डेटा तथा सम्पूर्ण प्रश्नावलीहरू ओपन साइन्स फ्रेमवर्कमा खुला रूपमा उपलब्ध छन्। अनुसन्धान टोलीले यसलाई विश्वभरका अनुसन्धानकर्ता, नीति निर्माता तथा शिक्षकहरूका लागि अभूतपूर्व स्रोतका रूपमा सहयोगी हुने उल्लेख गरेका छन् ।
ओसाका विश्वविद्यालयकी प्रमुख लेखक प्राध्यापक असाको मियुराले भने, “हामीले मानिसहरूको मनोवैज्ञानिक अवस्थाको परिवर्तनलाई समावेश गर्ने सङ्कल्पसहित यो सर्वेक्षण जारी राख्यौँ। पछाडि फर्केर हेर्दा, यो हाम्रो कल्पनाभन्दा धेरै मूल्यवान् बन्यो। यो दीर्घकालीन डेटा खुला गरेर हामी यसले व्यापक अनुसन्धानलाई लाभ पुर्याओस् भन्ने आशा गर्छौँ।”
अनुसन्धानकर्ताहरूका अनुसार यो डेटासेटले विभिन्न देशबिच तुलना गर्न, महामारीको सामाजिक प्रभाव बुझ्न तथा भविष्यका स्वास्थ्य सङ्कटका लागि प्रमाणमा आधारित नीति निर्माणमा सहयोग पुर्याउनेछ।
Leave a Reply