काठमाडौँ । कामना सेवा विकास बैंकले गत आर्थिक वर्ष २०८१/८२ को चौथो त्रैमासिक वित्तीय विवरण प्रकाशन गरेको छ । शुक्रवार प्रकाशित विवरण अनुसार बैंकको वित्तीय प्रगति सकारात्मक देखिएको छ ।
बैंकले आफ्ना समग्र वित्तीय सूचकहरू सुदृढ बनाउँदै स्थायित्वप्रति केन्द्रित देखिन्छ । बैंकले आम्दानी, नाफा, निक्षेप सङ्कलन र कर्जा प्रवाहदेखि जोखिम व्यवस्थापनसम्ममा सन्तुलित सुधार गरेको छ । कामना सेवाले आफूलाई प्रतिस्पर्धात्मक बजारमा अझ मजबुत रूपमा प्रस्तुत गरेको छ ।
गत आवको बैंकको नाफा ९.१९ प्रतिशत वृद्धि भई ६३ करोड ५२ लाख ९७ हजार रुपैयाँ कायम भएको छ । जबकि, अघिल्लो आवको चौथो त्रैमासमा बैंकले ५८ करोड १८ लाख ३१ हजार रुपैयाँ खुद नाफा कमाएको थियो ।
समीक्षा अवधिमा बैंकको खुद ब्याज आम्दानी पनि ५.२५ प्रतिशत वृद्धि भई २ अर्ब २४ करोड ४४ लाख रुपैयाँ कायम भएको छ । यता, कुल सञ्चालन नाफा पनि १.९७ प्रतिशत वृद्धि भई ९८ कोड ६९ लाख रुपैयाँ पुगेको छ । खुद ब्याज आम्दानी र सञ्चालन नाफा देखिएको बढोत्तरीले नै बैंकको नाफा वृद्धिमा टेवा पुगेको हो ।
बैंकको कुल सञ्चालन नाफा पनि ४.१९ प्रतिशत बढेर २ अर्ब ६३ करोड २६ लाख रुपैयाँ कायम भएको छ । यता, वितरणयोग्य नाफा भने ६० करोड ७४ लाख रुपैयाँ कायम भएको छ । वितरणयोग्य प्रतिसेयर आम्दानी पनि १७.३० रुपैयाँ छ । हाल बैंकको प्रतिसेयर आम्दानी भने १८.१० रुपैयाँ छ । यता, प्रतिसेयर नेटवर्क १६८.१३ रुपैयाँ छ ।
बैंकको व्यवसायमा पनि स्थिर रूपमा वृद्धि भएको देखिन्छ । समीक्षा अवधिमा बैंकको निक्षेप ६.३८ प्रतिशत वृद्धि भई ६२ अर्ब ८३ करोड ४३ लाख रुपैयाँ पुगेको छ । जबकि, गत आवको चौथो त्रैमासमा बैंकले ५९ अर्ब ६ करोड ६७ लाख रुपैयाँ निक्षेप सङ्कलन गरेको थियो । यता, कर्जा प्रवाह ८.६७ प्रतिशत वृद्धि भएको देखिन्छ ।
गत आवको चौथो त्रैमासमा बैंकले कुल ४५ अर्ब ९७ करोड ९६ लाख रुपैयाँ कर्जा प्रवाह गरेको थियो । तर, गत आवको सोही अवधिमा आइपुग्दा भने ४९ अर्ब ९६ कोड ७२लाख रुपैयाँ कर्जा लगानी गरेको देखिन्छ ।
हाल बैंकको चुक्ता पुँजी ३ अर्ब ५१ करोड रुपैयाँ छ । बैंकको जगेडा तथा कोषमा २ अर्ब ३९ करोड १८ लाख रुपैयाँ राखेको छ । हाल बैंकको खराब कर्जा ३.३८ प्रतिशत रहेको छ।
Leave a Reply