जीवन बीमा कम्पनीको व्यापार साढे २६ प्रतिशतले बढ्यो

काठमाडौं । चालु आर्थिक वर्ष २०८२/८३ को पहिलो त्रैमासिकमा जीवन बीमा कम्पनीहरूको नयाँ व्यापार उल्लेख्य रूपमा बढेको छ। नेपाल बीमा प्राधिकरणले सार्वजनिक गरेको विवरणअनुसार साउनदेखि असोज मसान्तसम्म कम्पनीहरूले ९ अर्ब ५४ करोड ९ लाख ९८ हजार रुपैयाँ बराबरको प्रथम बीमा शुल्क आर्जन गरेका छन्। 

यो अघिल्लो वर्षको सोही अवधिको तुलनामा २६.५५ प्रतिशत वृद्धि हो। गत वर्ष सोही अवधिमा कम्पनीहरूले जम्मा ७ अर्ब ५३ करोड ९५ लाख रुपैयाँ बराबरको नयाँ व्यवसाय भित्र्याएका थिए। 

यस वर्ष भने अधिकांश कम्पनीहरूले व्यापार विस्तार गरेका छन्, तर दुई कम्पनीको कारोबार भने घटेको देखिएको छ ।  

त्यस्तै, समग्रमा जीवन बीमा बजारमा नयाँ व्यापार विस्तारको लहर देखिएको छ। नेपाल लाइफ अग्रस्थानमा रहँदा आइएमई लाइफले सबैभन्दा उच्च दरमा वृद्धि हासिल गरेको छ।

बढेका कम्पनीहरू

कम्पनी नाम	प्रथम बीमा शुल्क (रकम)	वृद्धि (%)
नेपाल लाइफ	२ अर्ब ७० करोड ७९ लाख	४२.४९%
नेशनल लाइफ	१ अर्ब ३१ करोड ६९ लाख	१८.७२%
आइएमई लाइफ	४२ करोड ४७ लाख	७०.६५%
रिलायवल नेपाल लाइफ	—	३८.२६%
सिटिजन लाइफ	—	३४.३९%
एलआइसी नेपाल	—	३१.५२%
एशियन लाइफ	—	२९.९८%
सानिमा रिलायन्स	—	२७.८५%
राष्ट्रिय जीवन बीमा कम्पनी	—	२७.१८%
प्रभू महालक्ष्मी	—	२२.५१%
मेट लाइफ	—	१७.७२%
सूर्यज्योति लाइफ	—	५.०३%

घटेका कम्पनीहरू

कम्पनी नाम	प्रथम बीमा शुल्क (रकम)	घट (%)
हिमालयन लाइफ	५४ करोड ६६ लाख	८.४३%
सन नेपाल लाइफ	१९ करोड ७४ लाख	४.६९%