युरोपीय र जापानको जाक्सा बीच ग्रह सुरक्षा सहकार्य, एपोफिसतर्फ ‘राम्सेस’ मिशन

Getting your Trinity Audio player ready…

बर्लिन, वैशाख २५ ।  युरोपियन स्पेस एजेन्सी (इएसए) र जापान एयरोस्पेस एक्सप्लोरेशन एजेन्सी (जाक्सा) ले ग्रह सुरक्षा क्षेत्रमा सहकार्यलाई थप मझवुद बनाउन सम्झौता गरेका छन्। 

यस अन्तर्गत दुवै संस्थाले पृथ्वी नजिकको क्षुद्रग्रह एपोफिस अध्ययन गर्न ‘राम्सेस’नामक संयुक्त मिशन अघि बढाउने छन्।

सम्झौता बर्लिनस्थित इटाली दूतावासमा ईएसएका महानिर्देशक जोसेफ आस्चबाखर र जाक्साका अध्यक्ष हिरोशी यामाकावाले हस्ताक्षर गरेका हुन्।

कार्यक्रममा युरोपेली तथा जापानी संस्थागत तथा औद्योगिक नेतृत्वको उपस्थिति थियो। इटाली स्पेस एजेन्सी (इएसए) को सहआयोजनमा भएको कार्यक्रममा ईएसएले राम्सेस मिशनका लागि ओएचबी इटालियालाई प्रमुख ठेकेदार चयन गरेको जानकारी दिइएको थियो ।

ईएसएका आस्चबाखरले भने, “ग्रह सुरक्षा विश्वव्यापी जिम्मेवारी हो। आजको हस्ताक्षरले साझा इच्छालाई ठोस कार्यान्वयनमा रूपान्तरण गरेको छ।” जाक्साका अध्यक्ष यामाकावाले भने, “यस सहकार्यले अन्तर्राष्ट्रिय प्रयासलाई अझ अघि बढाउनेछ।”

राम्सेस मिशन

राम्सेस मिशन २०२८ मा प्रक्षेपण हुने र २०२९ अप्रिलमा हुने एपोफिसको दुर्लभ पृथ्वी नजिकको उडान अघि क्षुद्रग्रहसँग भेट गर्नेछ ।करिब ३७५ मिटर व्यासको क्षुद्रग्रह पृथ्वीको सतहबाट मात्र ३२,००० किलोमिटर माथि गुज्रनेछ, जुन चन्द्रमासम्मको दूरीको दशौं भाग मात्र हो। 

राम्सेसले पृथ्वीको गुरुत्वाकर्षणले क्षुद्रग्रहको आकार, सतह र गति कसरी परिवर्तन गर्छ भन्ने अवलोकन गर्ने अवसर प्रदान गर्नेछ ।ईएसएले यानको डिजाइन र सञ्चालन गर्नेछ भने जाक्साले हल्का सौर्य प्यानल, इन्फ्रारेड इमेजर र एच३ रकेटमार्फत प्रक्षेपण उपलब्ध गराउनेछ।

यो दुर्लभ घटना करिब दुई अर्ब मानिसले आकाशमा प्रत्यक्ष देख्न सक्ने जनाएको छ।