स्वास्थ्य टिप्स :
कटहरमा महत्वपूर्ण कार्वोहाइड्रेट मात्र होइन विभिन्न भिटामिन पनि पाइन्छ । कटहरको नियमित सेवनले विभिन्नरोग लाग्नबाट जोगाउँछ । कटहरको पातबाट बनेको धुलो अल्सरको उपचारमा निक्कै उपयोगी मानिन्छ । यसको हरियो पातलाई सफासँग धोएर सुकाउने र पिँधेर चूर्ण तयार पारी सेवन गर्दा अल्सर रोगबाट बच्न सकिन्छ । यो फल औषधिका गुणहरुले भरिपूर्ण छ ।
अनुहारमा छाला फुट्ने वा हात खुट्टामा पनि यस्तो समस्या भए कटहरको पात लेप लगाउँदा सन्चो हुने मान्यता छ । कटहर काँचोमा तरकारी र पाकेपछि फलको रुपमा प्रयोग हुने बहुउपयोगी फल हो । तरकारीको रुपमा पनि खान सकिने कटहरको अचार र पापड पनि बनाउन सकिन्छ । त्यस्तै पाकेको कटहरको गुदी राम्रोसँग पानीमा उमाल्ने र यसलाई सेलाएर पानीसँग पिउँदा एकदम स्फुर्ति बढ्छ । कटहरको पातको रस मधुमेहका रोगीका लागि पनि उपयोगी हुन्छ । कटहरको पाकेको फल नियमित सेवन गर्दा पेटको समस्याबाट मुक्ति पाउन सकिन्छ ।
