काठमाडौं । नेपालमा पहिलो पटक कक्षा ११ र १२ को पाठ्यक्रममा गणित राख्न माग गर्दै माइतीघर मण्डलामा प्रर्दशन हुने भएको छ ।

सरकारले यसै शैक्षिक सत्रदेखि लागू हुनेगरी कक्षा ११-१२ मा अनिवार्य रुपमा समाजिक शिक्षा राखेपछि समस्या देखिएको हो ।

यसअघि विज्ञान संकायका भौतिक तथा जीव समूहका विद्यार्थीका लागि कक्षा ११मा गणित अनिवार्य अध्ययन गर्ने व्यवस्था थियो ।

गणितज्ञलाई चिड्याउँदै शिक्षा मन्त्री

भोली ११ बजे माइतीघर मण्डलामा विरोध कार्यक्रम शान्तिपूर्ण हुने भन्दै नेपाल गणित समाज, गणित शिक्षा परिषद्, नेपाल गणित केन्द्र, गणित विज्ञान ट्रस्ट, ओनिम्स र म्याथ्म्याटिकल एसोशिएशन अफ नेपालले संयुक्त विज्ञप्ती निकालेको हो ।

आजै बसेको गणितज्ञहरुको ६ वटा संस्थाका पदाधिकारीहरुको बैठकले सरकारले आफूहरुको मागको वेवास्था गरिएकोले आन्दोलन गर्ने निर्णयमा पुगेको नेपाल गणित समाजका सहसचिव तथा त्रिभुवन विश्वविद्यालय केन्द्रीय गणित विभाग उपप्राध्यापक डा. जीवन काफ्लेले बताए ।

विज्ञप्तीमा भनिएको छ ‘सरकारले अफैद्वारा गणित विषयको समस्या र समाधानका लागि गणित उच्चस्तरीय समितिको प्रतिवेदन हालसम्म सार्वजनिक गरेको छैन ।’ प्रारुप निर्माण गर्दा आफूहरुलाई पतै नदिइ षडयन्त्रमुलक ढंगले पाठ्क्रमको संरचना बनाइएको विज्ञप्तीमा उल्लेख छ ।