2025-10-28

उपत्यकाव्यापी ‘आइडियाथन’ प्रतिस्पर्धा हुने

ललितपुर । काठमाडौं भ्याली लियो क्लब (केभिएलसी) पुल्चोक क्याम्पसको आयोजनामा उपत्यकाव्यापी वौद्धिक प्रतिस्पर्धा आइडियाथन ‘प्रस्तावः ट्रान्सफर्मिङ काठमाडौँ’’ हुने भएको छ । उक्त प्रतिस्पर्धामा उपत्यकाका इन्जिनियरिङ कलेजमा स्नातक अध्ययनरत विद्यार्थीहरु सहभागी हुन पाउने छन् ।

सहभागी हुन चाहने समूहले उपत्यका फोहर व्यवस्थापन,  वायू र पानी प्रदुषणको पूर्ण समाधानमा केन्द्रित भएर पूर्ण प्रस्ताव मंसीर २६ सम्म आयोजकलाई पठाइसक्नु पर्नेछ ।

आयोजक केभिएलसी पुल्चोक क्याम्पसका अनुसार सहभागी हुन चाहने विद्यार्थीले २-४ जनाको समूह मार्फत् ‘आइडिया’ आयोजकलाई पठाउन पर्नेछ । यसबाट पहिलो चरणमा २० समूह दोस्रो चरणका लागि छनोट गरिने केभिएलसीका अध्यक्ष गरिमा आचार्य बताइन ।

त्यसपछि २० समूहबाट दोस्रो चरणका लागि प्रतिस्पर्धा हुनेछ । दोस्रो चरणको प्रतिस्पर्धाका लागि सहभागी समूहले पूर्ण समाधानयुक्त श्रव्यदृश्य सामग्री पहिलो चरणमा पेश गरेको प्रस्ताव अनुसारको ‍कल्पना ‘पीच’ गर्न पर्ने हुन्छ ।

आयोजक केभिएलसी पुल्चोक क्याम्पसका अध्यक्ष आचार्यका अनुसार श्रव्यदृश्य सामग्री पठाउँदा सवैका लागि सफा वागमति, वायु प्रदुषण नियन्त्रण र ठोस फोहरमा कौशलताजस्ता तीन शिर्षक मध्य कुनै एउटा शिर्षक छनोट गर्नु पर्दछ ।

‘आइडिया’ पूर्ण रुपमा समाधानयुक्त हुनु पर्नेछ,’  आचार्यले रिभोसाइन्सलाई भनिन्, ‘अन्यत्रबाट चोरी गरिएको आइडियालाई मान्यता दिने छैन । आइडिया पूर्णरुपमा मौलिक हुन पर्नेछ ।’

आचार्यका अनुसार दोस्रो चरणमा प्रवेश गरेका २० समूहले बनाएको श्रव्यदृश्य सामग्रीको आधारमा विज्ञहरुको समितिले ८ समूह छनोट गर्नेछ । त्यसपछि, ती ८ समूहले भौतिक रुपमा आफ्नो लिखित तथा मौखिक प्रस्तुति तेस्रो चरणमा दिन पर्दछ ।

अन्तिम चरणमा विज्ञ समितिको मूल्यांकनको आधारमा पहिलो, दोस्रो र तेस्रो तीन समूहलाई विजेता घोषणा गरिने बताइएको छ । उक्त प्रतिस्पर्धामा पहिलो, दोस्रो र तेस्रो हुने समूहलाई क्रमशः ८० हजार बराबरको नगद तथा अन्य सूविधा प्राप्त गर्ने आयोजकले जनाएको छ ।

मा अद्यावधिक गरिएको

Leave a Reply

Your email address will not be published. Required fields are marked *

Subscribe to our newsletter!

अन्तर्वार्ता

‘समाज उत्थान र मर्यादित बनाउन शिक्षाको महत्त्वपूर्ण भूमिका हुन्छ’

‘शिक्षण सामाजिक उत्तरदायित्व बोकेको मर्यादित पेसा हो’

सम्बन्धित सामाग्री

युरोपेली अन्तरिक्ष एजेन्सी (इसीए) ले टोकियोमा एसियाको पहिलो कार्यालय स्थापना गर्ने

युरोपेली अन्तरिक्ष एजेन्सीको एशोसियट सदस्य बन्ने तयारीमा साइप्रस

आणविक अनुसन्धानका लागि युरोपेली संगठन (सर्न) को एसोसिएट सदस्य राष्ट्र बन्यो आयरल्यान्ड

प्रभु बैंकका ४ लाख २२ हजार संस्थापक सेयर सर्वसाधारणका लागि बिक्रीमा

डब्लुएचओको चेतावनी : विश्वभर ३ अर्बभन्दा बढी मानिसमा स्नायु सम्बन्धी रोग, नीति अभावले संकट गहिरिंदै

नेपालमा जस्तो अवसर कतै देख्दिनँ : अध्यक्ष ढकाल

सवारी दुर्घटनाबाट जोगिन नयाँ प्रविधि: थ्रीडी प्रिन्टेड ट्विस्टिङ मेटामेटेरियल

तिहार फ्लोरा एक्स्पो सम्पन्न, अभिनेत्री कोइरालाको आग्रह: रैथाने फूल संरक्षण गरौं

×