‘इनोभेटएक्स्पो’ सम्पन्न

काठमाडौं । खुट्किलाले आयोजना गरेको ‘इनोभेटएक्स्पो’ सम्पन्न भएको छ । टेक्सपायर रोबटिक्स क्लबसँगको सहकार्यमा एक्स्पो आयोजना गरिएको थियो ।

साउन ३१ र ३२ गते चलेको एक्स्पोमा विद्यालय तहका विद्यार्थीहरूले विभिन्न किसिमका नमुनाहरू प्रदर्शन गरेका थिए । कक्षा ४ देखि १२ कक्षाका विद्यार्थीहरूले रोबोरेस, रोबोसुमो र रोबोसोसर जस्ता खेलमा प्रतिस्पर्धा गरेँ ।

रोबटिक्स प्रतिस्पर्धा

रोबोसुमोमा ‘फेअर प्ले’को उपाधि युनिग्लोब कलेजले प्राप्त गर्‍यो । उत्कृष्ट टिमको उपाधि जेभियर्स एकेडेमीले प्राप्त गरेँ । त्यस्तै, दोस्रो र पहिलो रनर अपको उपाधि पनि जेभियर्स एकेडेमीले प्राप्त गर्‍यो । रोबोसुमोको विजेता पाठशाला नेपालले हासिल गरे ।

रोबोरेसमा फेअर प्लेको पुरस्कार पिपुल्स एकेडेमीले प्राप्त गरेका थिए । उत्कृष्ट टिमको उपाधि हाइ भ्यू स्कूले प्राप्त गरे । दोस्रो र पहिलो रनर अपको उपाधि क्रमशः ग्रेसल्याण्ड एकेडेमी र  ब्राइट होराइजन चिल्ड्रेन एकेडेमीले प्राप्त गर्‍यो। रोबोरेसको विजेता पाठशाला नेपाल बन्न सफल भए।

त्यसैगरी, रोबोसोसर प्रतिस्पर्धामा  फ्यर प्लेको पुरस्कार फ्लाेम्स प्राप्त गरे । उत्कृष्ट समूह द पिजि बन्यो । दोस्रो र पहिलो रनर अपको उपाधि क्रमशः रुलिङ व्यज र  शाषणले प्राप्त गर्‍यो। राेेबोसाेसरको विजेता बलियो पाठशाला बन्यो ।

नमुना प्रदर्शनी

प्रदर्शनी तर्फ उत्कृष्ट टिमको पुरस्कार युनिक एकेडेमीले प्राप्त गरेँ । उत्कृष्ट आइडिया गणेश इङ्ग्लिस स्कूलले प्राप्त गर्‍यो । उत्कृष्ट प्रस्तुति भ्याली भ्यू स्कूलले प्राप्त गरेँ ।

त्यस्तै, प्रर्दशनी तर्फकै दोस्रो र पहिलो रनर अप क्रमशः शिक्षालय नेपाल र सीसीआरसी कलेज भएको थियो । प्रदर्शनीमा विजेता भने नेपत्थ्य कलेज बुटवल बन्न सफल भए ।

यस रोबोटिक्स तथा इनोभेसन प्रतिस्पर्धाका विभिन्न विधामा कूल साँढे एक लाखको नगद पुरस्कार तथा पचास हजार बराबरको उपहार प्रदान गरेको आयोजकले जनाएको छ ।

नेपालमा विद्यालय तहका विद्यार्थीहरु माझ रोबोटसम्बन्धी रचनात्मक क्रियाकलापहरु कम हुने हुँदा नवप्रवर्तन् र प्रर्दशनीको फ्यूजन गरेको खुट्किलाको प्रवन्ध निर्देशक सुगम ढकालले बताए ।

उनकाअनुसार एक्स्पोमा ६० समूहले भाग लिएका थिए । विद्यार्थीहरूले रोबटिक्सको प्रयोग नवीकरणीय ऊर्जा, सहरी तथा ग्रामीण भेगमा उच्चतम प्रयोग गर्न सकिने मोडेल प्रदर्शनी गरेका थिए ।