काठमाडौँ । आई.एम.ई. लाइफ इन्स्योरेन्स कम्पनी र ग्राण्डि हस्पिटलबीच विशेष छुट सम्बन्धी समझदारी पत्रमा हस्ताक्षर सम्पन्न भएको छ।
सम्झौता अनुसार, अबदेखि कम्पनीका बीमित, अभिकर्ता तथा कर्मचारीहरूले ग्राण्डि हस्पिटलमा उपचार सेवा लिँदा १० प्रतिशत छुट प्राप्त गर्न सक्नेछन्। साथै, वेलनेस प्याकेजमा पनि विशेष सहुलियत प्रदान गरिनेछ।
छुट सुविधा प्राप्त गर्न बीमितहरूले कम्पनीको मोबाइल एप आई.एम.ई लाइफ मोबाइल एपमा रहेको प्रिभिलेज कार्ड देखाउनुपर्नेछ। अभिकर्ता तथा कर्मचारीहरूले भने कम्पनीद्वारा जारी गरिएको आधिकारिक परिचयपत्र प्रस्तुत गरेर छुटको लाभ लिन सक्नेछन्।
सम्पर्क व्यक्ति तथा थप जानकारीका लागि कम्पनीको आधिकारिक वेबसाइटमा विवरण उपलब्ध गराइएको छ।
यो सहकार्यले बीमित तथा कर्मचारीहरूलाई गुणस्तरीय स्वास्थ्य सेवा सहज र सुलभ रूपमा उपलब्ध गराउने लक्ष्य राखेको छ।
Leave a Reply