युरोपेली अन्तरिक्ष एजेन्सीको एशोसियट सदस्य बन्ने तयारीमा साइप्रस

साइप्रसले युरोपेली अन्तरिक्ष एजेन्सी (इसीए)सँग एशोसियट सदस्यता सम्झौता हस्ताक्षर गरेको छ। अब केही महिनाभित्र साइप्रस इसीएको आधिकारिक एशोसियट सदस्य बन्ने अपेक्षा गरिएको छ।

इसीए र साइप्रसबीचको सहकार्य एक दशकदेखि चलिरहेको छ। सन् २०१७ मा साइप्रस युरोपेली सहकार्य राष्ट्र बनेको थियो। हालै भएको सम्झौता हस्ताक्षर समारोहमा इसीएका महानिर्देशक जोसेफ आस्चबाखर र साइप्रसका अनुसन्धान, नवप्रवर्तन तथा डिजिटल नीति उपमन्त्री निकोडेमोस डेमियानु सहभागी थिए।

साइप्रसले सन् २०२६ को सुरुवातमा हुने युरोपेली संघको परिषद् अध्यक्षता अवधिमा सदस्यता प्रक्रिया पूरा गर्ने योजना बनाएको छ। सदस्यता प्राप्त भएपछि साइप्रस, लाट्भिया, लिथुआनिया र स्लोभाकिया इसीएका सक्रिय सहायक सदस्य राष्ट्रहरू हुनेछन्।

साइप्रसले आफ्नो रणनीतिक स्थान र अनुकूल मौसमको फाइदा उठाउँदै टेलिकम्युनिकेसन, पृथ्वी अवलोकन, र नेभिगेसन क्षेत्रमा केन्द्रको रूपमा विकास गरिरहेको छ। राष्ट्रिय अन्तरिक्ष रणनीति, अन्तरिक्ष कानुन, र मन्त्रालयबीचको सहकार्यका कारण साइप्रसले अन्तर्राष्ट्रिय साझेदारी विस्तार गर्दै इसीएका विभिन्न कार्यक्रमहरूमा भाग लिँदै आएको छ।

इसीएका महानिर्देशक आस्चबाखरले साइप्रसको प्रगतिको प्रशंसा गर्दै भने, “हामीले साइप्रसको अन्तरिक्ष क्षेत्रलाई नयाँ उचाइमा पुर्‍याएका छौं। साइप्रसलाई इसीएमा स्वागत छ।”

उपमन्त्री डेमियानुले भने, “आजको सम्झौता साइप्रसको अन्तरिक्ष क्षेत्रमा सक्रिय भूमिका खेल्न तयार रहेको प्रमाण हो। हामी युरोपको अन्तरिक्ष लक्ष्यलाई नागरिक र अर्थतन्त्रका लागि उपयोगी बनाउन प्रतिबद्ध छौं।”