–रिभोसाइन्स संवाददाता
२८ कार्त्तिक, ललितपुर । नेपाल विज्ञान तथा प्रविधि प्रज्ञा प्रतिष्ठान, नास्टले विज्ञान प्रविधिमा साहित्य र कला कार्यक्रमको कार्यविधि तयार गर्न लागिएको छ ।
साहित्य, कला र पत्रकारिता मार्फत् विज्ञान प्रवर्द्धनमा महत्वपूर्ण भूमिका खेल्ने हुँदा कार्यविधि बनाउन समिति गठन गरिएको नास्टका उपकुलपति डा. सुनिलबाबु श्रेष्ठले बताए । विज्ञान, कला र साहित्यले समाजलाई पुर्नजीवन दिनेछ त्यसकालागि समाजको अभिन्न अंगको रुपमा विकास गर्न लागिएको उपुकुलपति श्रेष्ठले बताए ।
तीन हप्तामा कार्यविधि तयार गरिसक्ने लक्ष्य छ ।
प्राडा बुलन्द थापा , संयोजक
कार्यविधि लेखनका लागि नास्टका प्राज्ञ प्राडा बुलन्द थापाको संयोजकत्वमा सात सदस्य छन् । नेपाल प्रज्ञा प्रतिष्ठानका प्राज्ञ प्राडा गोबिन्द पौडेल, नेपाल एकेडेमी अफ् फाइन आर्ट, नाफाका रमेशनाथ खनाल, काठमाडौं विश्वविद्यालय स्कुल अफ् आर्टस्का सहप्राध्यापक सुजन चित्रकार, ललितकला क्याम्पसका डा. एमप्रसाद शर्मा, रिभोसाइन्सका लक्ष्मण डंगोल र नास्टका वरिष्ठ प्रवर्द्धन अधिकृत प्रियदर्शन मानन्धर सदस्य सचिव रहेका छन् ।
कार्यविधि लेखन समितिको पहिलो बैठक कार्त्तिक २७ गते सम्पन्न भएको संयोजक प्राडा बुलन्द थापाले बताए । संयोजक थापाअनुसार आगामी तीन हप्तामा कार्यविधि तयार गरिसक्ने छ ।
कार्यविधि तयार भएपछि सो क्षेत्रमा गरिने रचनात्मक कार्यक्रम तय हुनेछ ।
नास्टले सञ्चालन गर्न लागिएको विज्ञान प्रविधिमा साहित्य र कला कार्यक्रम कार्यविधि तयार गर्न प्रतिष्ठानले २०७६ भाद्र २४ गते निर्णय गरेको थियो ।
Leave a Reply to purushottam Cancel reply