काठमाडौं। अन्तरिक्षसम्वन्धी विज्ञान प्रर्दशनी ‘स्पेश, टेक र इनोभेसन’ हुने भएको छ । प्रर्दशनी सहयात्रा राष्ट्रका लागि युवाको आयोजनामा मंसिर १४ र १५ गते गर्न काठमाडौंको शंखपार्कमा गर्न लागेको हो ।
प्रर्दशनीमा नेपालमै वनेका साना रकेट राखिनेछ। यो रकेट ‘नियर एरो स्पेश’ नाम दिइएको नेपाली संस्थाले आफ्नै पहलमा बनाएका हुन् । त्यस्तै, नेपालको पहिलो स्याटलाइट ‘क्यूवस्याट’ प्रर्दशनीमा राखिनेछ ।
नेपालमा गरुड र आरम्भजस्ता साना रकेट बनाउने समूह पनि छन् । तिनीहरुको थप सिप विकास गर्न राज्यले अन्तरिक्ष विज्ञानमा थप कदम चाल्न सकेका छैनन् । त्यसकारण यस्ता प्रर्दशनीले नेपाली युवा वैज्ञानिकहरुलाई थप हौसल्ला मिल्ने प्रर्दशनी संयोजक इन्जिनियर उपेन्द्र ढुंगानाले रिभोसाइन्सलाई बताए ।
संयोजक ढुंगानाका अनुसार अन्तरिक्ष प्रविधिमा नेपाली इन्जिनियरहरुको चासो बढ्दो छ । अर्को भनेको ‘अन्तरिक्षसम्वन्धी कानून’ नेपालको छूट्टै छैन । यस समस्याले गर्दा नेपलमा थप रकेटसम्वन्धी अनुसन्धान तथा विकासमा समस्या देखिएको संयोजक ढुंगानाको बुझाइ छ ।
दुई वर्ष अघि साना आकारका ‘रकेट’ को परिक्षण नेपालमा पहिलो पटक गरिएको थियो । सो परिक्षणबाट हौसिएर रकेट निर्माणमा लागि परेका युवाहरु दोस्रो परिक्षणको तयारीमा जुड्दै थिए । तर कोभिडको विश्वप्रकोपले उक्त योजना सफल हुन सकेन । त्यस अभियानलाई थप सहयोग पुग्नेगरी प्रर्दशनी गर्न लागेको आयोजकले जनाएको छ ।
प्रर्दशनीमा नेपाली कलाकारहरुले बनाएका अन्तरिक्षसम्वन्धी चित्र प्रर्दशनी राखिनेछ । त्यस्तै, आकाशीय ग्रह र ताराको उत्पत्तिका बारेमा जानकारी दिने शैक्षिक खुराकहरु प्रशस्त हुने आयोजकले जनाएको छ ।
प्रर्दशनीमा शिक्षा, विज्ञान तथा प्रविधि मन्त्रालय र नेपाल विज्ञान तथा प्रवधि प्रज्ञा प्रतिष्ठान (नास्ट)लगायत सह-आयोजकको रुपमा रहेको राष्ट्रका लागि युवाका अध्यक्ष डा. निकोलश भुषालले बताए ।
अध्यक्ष भुषालले करिब पाँच हजार मानिसले प्रर्दशनी अवलोकन गर्ने बताएका छन् ।
