केमिकल कंग्रेस काठमाडौमा हुँदै

काठमाडौं । अन्तर्राष्ट्रिय केमिकल कंग्रेस  ‘आइसीसी-२०२३’ विहिबारदेखि काठमाडौंमा हुने भएको छ ।

‘दीगो विकासका लागि रशायनशास्त्र’ नारा तय गरिएको सम्मेलन जेठ ११ देखि १३ गतेसम्म बुढानिलकण्ठस्थित पार्क भिलेज होटलमा सञ्चालन हुनेछ ।

नेपाल केमिकल सोसाइटीले रसायनशास्त्र केन्द्रीय विभाग त्रिभुवन विश्वविद्यालयसँग सहकार्य गरेर सो सम्मलेन आयोजना गर्न लागिएको हो ।

सोसाइटीका अनुसार चीन, कोरिया,  जापान,  वांग्लादेश, भारत  र नेपालका करीब तीनसय वैज्ञानिक तथा सोधार्थी सहभागी हुनेछ । सम्मेलनमा उपस्थित साँढे दुई सय वैज्ञानिकले आफ्नो कार्यपत्र प्रस्तुत गर्नेछ ।

सम्मेलनमा विषयगत प्रस्तुति— प्राकृतिक उत्पादन र औषधि तथा नरम पदार्थहरु,  अति सूक्ष्म ‘न्यानो मटिरेल’ तथा उन्नत पदार्थ,  रसायन तथा जैविक पदार्थ, इलेक्ट्रोकेमेस्ट्री तथा उर्जा उत्पादमा प्रयोग हुने पदार्थ, वातावरण र स्वास्थसँग सम्मन्धित मौखिक प्रस्तुति हुनेछ ।

त्यस बाहेक वायु प्रदुषणले मानवीय स्वास्थमा समस्या तथा समाधान कसरी गर्न सकिन्छ भन्ने छुट्टै अन्तर्क्रिया हुनेछ ।

सो सम्मेलन परराष्ट्र मन्त्री नारायण प्रकाश साउदले उद्घाट्न गर्ने कार्यक्रम तय गरिएको सोसाइटीका महासचिव डा. महेश कुमार जोशीले रिभोसाइन्सलाई बताए ।