काठमाडौं । अन्तर्राष्ट्रिय केमिकल कंग्रेस ‘आइसीसी-२०२३’ सम्पन्न भएको छ । ‘दीगो विकासका लागि रशायनशास्त्र’ नारा तय गरिएको सम्मेलन जेठ ११ देखि १३ गतेसम्म बुढानिलकण्ठस्थित पार्क भिलेज होटलमा सञ्चालन भएको थियो ।
नेपाल केमिकल सोसाइटीले रसायनशास्त्र केन्द्रीय विभाग त्रिभुवन विश्वविद्यालयसँग सहकार्य गरेर सम्मलेन आयोजना गरेको थियो ।
सोसाइटीका अनुसार चीन, कोरिया, जापान, वांग्लादेश, भारत र नेपालका करीब तीनसय वैज्ञानिक तथा सोधार्थी सहभागी थिए । सम्मेलनमा उपस्थित साँढे दुई सय वैज्ञानिकले आफ्नो कार्यपत्र प्रस्तुत गरे ।
सम्मेलनको पहिलो सत्रमा परराष्ट्र मन्त्री नारायण प्रकाश साउदले उद्घाट्न गरेका थिए । मन्त्री साउदले मानवीय जीवनमा रशायनशास्त्रको अनुसन्धान्तमक क्रियाकलापले मुलुकको सम्वृद्धिमा टेवा पुग्ने बताए ।
सो वैज्ञानिक सम्मेलनमा प्राकृतिक उत्पादन र औषधि तथा नरम पदार्थहरु, अति सूक्ष्म ‘न्यानो मटिरेल’ तथा उन्नत पदार्थ, रसायन तथा जैविक पदार्थ, इलेक्ट्रोकेमेस्ट्री तथा उर्जा उत्पादमा प्रयोग हुने पदार्थजस्ता विषयमा अनुसन्धानकर्ताहरुले आ-आफ्ना प्रस्तुती दिएका थिए ।
सम्मेलनको दोस्रो दिन ‘वातावरण र स्वास्थसँग सम्मन्धित मौखिक प्रस्तुतिमा छलफल गरिएको सोसाइटीका अध्यक्ष डा. सुरेन्द्र कुमार गौतमले बताए ।
त्यस्तै, विश्व स्वास्थ्य संगठन नेपालका राजाराम पोटे श्रेष्ठ, स्वास्थ्य तथा जनसंख्या मन्त्रालयका एकदेव खनाल, त्रिविका प्राध्यापक डा. रेजिना मास्के, युएसएड नेपालका श्रृषा नन्ख्वा र जनस्वास्थ्य विज्ञ रीतिका केसीले वातावरणीय स्वास्थको भूमिका, समस्या तथा समाधानमा चुनौतीका विषयमा छलफल गरिएको थियो । नेपालमा वायू प्रदुषणको उच्च जोखिम देखिएकोले त्यसको न्यूनीकरणको उपायमा ततकाल लाग्नु पर्ने अधिकांश विज्ञको भनाइ थियो ।
सोसाइटीका महासचिव डा. महेश कुमार जोशीले यस कंग्रेसमा प्रस्तुत भएका सम्पूर्ण अनुसन्धानात्मक संक्षित लेखोट प्रकाशन गरिएको बताए । उनले आगामी दिनमा पनि सोसाइटी यस्ता सम्मेलन गर्ने बताए ।
