अमेरिकी अन्तरिक्ष एजेन्सी (नासा)को पर्सिभेरेन्स रोभरले मंगल ग्रहको पहिलो चट्टानी नमूना  संकलन गरेको छ । शिशा कलमभन्दा केही मोटो आकारका चट्टानी नमूना ‘जेजिरो क्राटर’बाट रोभरले संकलन गरेको हो ।

मंगलग्रहमा रहेको उक्त रोभरले चट्टानी नमूना संकलन गरेको डेटा प्राप्त भएको अमेरिकाको साउथ क्यालीफोर्निया अवस्थित नासा जेट प्रोपुल्सन ल्यावटोरी(जेपीएल)का मिसन कन्ट्रोलरले गएको सेप्टेम्वर ६ मा पुस्टी गरेको थियो ।

नासाका अनुसार अहिले उक्त नमूना हावा नछिर्ने ‘टिटानियम स्याम्पल ट्यूव’मा राखिएको छ । पछि यसलाई मंगल चट्टानी नमूना ‘मार्स स्याम्पल रिर्टन्’ अभियान अन्तर्गत ल्याउने नासाले उल्लेख गरेको छ ।

मंगल सतहबाट नमूना ल्याउने अभियानका लागि नासा र युरोपिएन स्पेस एजेन्सी(इसिए)ले संयुक्त रुपमा मिसनका लागि तयारी अध्ययन तथा अनुसन्धान गरिरहेको जनाएको छ ।

‘नासाले महत्वाकांक्षी लक्ष्य चुम्ने प्रक्रियामा इतिहास रच्दै गएको छ । यस खोज र आविष्कारले राष्ट्रिय प्रतिवद्धतालाई उजागर गरेको छ,‘ नासाका प्रशासक विल नेलसन भन्छन्, ‘अहिलेको अपत्यारिलो खोज: जुन रोभर र टिमले गरेको छ, यो स्मरणयोग्य उपलव्धीलाई हेर्न अधर्य छु।’

वैज्ञानिक रुपमा मंगलको चट्टानी नमूना संकलन तथा इतिहासमा पहिलो पटक अन्य ग्रहबाट नमूना ल्याउने प्रयास गरिरहेको बताएको छ ।