—रिभोसाइन्स संवाददाता
काठमाडौं । शिक्षा, विज्ञान तथा प्रविधि मन्त्रालयले ‘विज्ञान र प्रविधिको उन्नत विकासः प्रकोप र महामारीबाट सहज निकास’ भन्ने मूल नाराका साथ आगामी असोज १ गते नवौं राष्ट्रिय विज्ञान दिवस मनाउने भएको छ ।
मन्त्रालयमा आज आयोजित पत्रकार भेटघाट कार्यक्रममा सचिव सुरेश आचार्यले विज्ञान र प्रविधिको उपयोग र विस्तार बारे जनचेतना फैलाउन सप्ताहव्यापी विज्ञान दिवस मनाउन लागेको जानकारी दिए । उनले देशमा विज्ञान, प्रविधि र नवप्रवर्तन भित्र्याउन विज्ञान कुटनीति मार्फत् पहल गर्ने बताए ।
विश्वविद्यालय, नीजि तथा आवासिय विद्यालय अर्गनाइजेसन, राष्ट्रिय निजी तथा आवसीय विद्यालय एसोसियसन नेपाल, उच्च शिक्षालय तथा माध्यामिक विद्यालय संघ नेपाल र अन्य विज्ञानसंम्बन्धी गैरसरकारी संस्थाहरुले पनि विभिन्न् कार्यक्रम गरि विज्ञान दिवस मनाउन लागिएको मन्त्रालयले उल्लेख गरें । त्यस्तै, सातै प्रदेशका मुख्यमन्त्री तथा ७७ जिल्लाका प्रमुखलाई पत्राचार गरि विज्ञान दिवस मनाउन अनुरोध गरेको मन्त्रालयले जनाएको छ ।
युवा जनशक्तिलाई स्वदेशमा रोजगारीको वातावरण सिर्जना गरी प्रतिभा पलायनलाई न्यूनीकरण गर्ने, वैज्ञानिक खोज तथा अनुसन्धान योगदान गर्ने उत्कृष्ट प्रतिभालाई सम्मान तथा पुरस्कार गर्नेजस्ता उद्देश्य समावेश गरिएको छ ।
मूल समारोह समितिले असोज १ गते विज्ञान पत्रकारिता, एरोनोटिकल प्रविधि, अन्तरिक्ष प्रविधि, उदियमान प्रविधि, विपद् न्यूनिकरण सम्बन्धी प्रविधि र जैविक प्रविधिसमेत छ विधामा पुरस्कार घोषणा गर्ने कार्यक्म तय गरेको छ ।
Leave a Reply