काठमाडौँ । बौद्ध विद्वान डा. ज्ञानपूर्णिक महास्थवीर अग्गमहापण्डित भिक्षुको स्मृतिमा कार्यक्रम आयोजना गरेका छन् ।
विश्वशान्ति विहार मीन भवनमा आयोजित ५ औं वार्षिक पुण्यतिथिको अवसरमा कार्यपत्रको प्रस्तावना सम्बन्धी गोष्ठी गरेको थियो। गोष्ठीमा बौद्ध विद्वानहरू क्रमशः मदन मानन्धर र डा. त्रिरत्न मानन्धरले कार्यपत्र प्रस्तुत गरेका थिए ।
भिक्षु ज्ञानपूर्णिकले बौद्ध धर्ममा ६० वटा पुस्तक लेखेका छन् । उनी धर्मोदय महासभाका पूर्व अध्यक्ष पनि थिए। थाइल्याण्डको महाचुलालोङकोर्न विश्वविद्यालय र महामुकुट विश्वविद्यालयबाट भिक्षु ज्ञानपूर्णिकलाई मानार्थ विद्यावारिधि दिइएको थियो । उनी थेरवाद बौद्ध धर्मका सातौं संघनायक पनि थिए ।
कार्यक्रममा भिक्षु अनागारिका थेरवाद बौद्ध एकेडेमीका प्राध्यापक र विद्यार्थीहरूले सहभागी थिए । त्यस्तै, पूर्व प्रधानमन्त्री झलनाथ खनालले पनि उक्त समारोहमा भाग लिएका थिए। पूर्व प्रधानमन्त्री खनालले अहिले बौद्ध शिक्षाको अध्ययन गरिरहनु भएको छ ।
गोष्ठीको अध्यक्षता थेरवाद बौद्ध एकेडेमीका अध्यक्ष निग्रोध महास्थवीरले गरें । महेन्द्ररत्न शाक्य र भिक्षु निग्रोध महास्थवीरले मन्तव्य राखेका थिए । कार्यक्रम सञ्चालन डा. रीना तुलाधरले गरेका थिए।
Leave a Reply